Amafoto y’umunsi: Perezida Kagame yakiriye Emir wa Qatar mu buryo bwihariye

Yanditswe na IGIHE
Kuya 21 Mata 2019 saa 11:15
Yasuwe :
0 0

Perezida Kagame yahaye ikaze mu Rwanda Emir wa Qatar, amutwara mu modoka ye kuva ku kibuga cy’indege i Kanombe kugera kuri Kigali Convention Centre, aho bagaragaye hanze mu masaha y’ijoro baganira bitegeye umujyi.

Emir wa Qatar, Sheikh Tamim bin Hamad Al Thani, ari mu ruzinduko rw’iminsi itatu mu Rwanda kuva kuri iki Cyumweru mu masaha y’umugoroba.

Ku kibuga cy’indege yakiriwe n’Umukuru w’Igihugu hamwe n’abandi bayobozi bakuru b’igihugu, bahava berekeza mu muhango wo gusinya amasezerano y’ubufatanye hagati y’impande zombi.

Perezida Kagame niwe watwaye Sheikh Tamim bin Hamad Al Thani mu modoka ye ndetse bombi bagaragaye hanze y’inyubako ya KCC baganira bitegeye umujyi wari utamirijwe n’amatara y’ijoro.

Ku rundi ruhande, inyubako ya KCC yari yacanywe mu ibara rya mauve nk’ikimenyetso cyo guha ikaze uyu muyobozi.

Amabendera y'ibihugu byombi yazamuwe...
Perezida Kagame niwe watwaye mu modoka Emir wa Qatar amuha ikaze
Perezida Kagame na Emir wa Qatar ubwo bageraga muri KCC
Inyubako ya KCC yacanywe amatara ari mu ibara rya mauve nk'ikimenyetso cyo guha ikaze uyu muyobozi
Perezida Kagame asa n'uwereka Emir wa Qatar imiterere y'Umujyi wa Kigali
Perezida Kagame na Emir wa Qatar, Sheikh Tamim bin Hamad Al Thani, bagaragaye hanze y'inyubako ya KCC baganira bitegeye umujyi wa Kigali rwagati

Amafoto: Village Urugwiro


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza