Amafoto y’umunsi: Meya Mutabazi yakoze siporo atungura benshi

Yanditswe na IGIHE
Kuya 21 Mutarama 2019 saa 08:06
Yasuwe :
0 0

Mutabazi Richard amaze amezi atandatu atorewe kuyobora Akarere ka Bugesera nyuma y’igihe afite izi nshingano mu buryo bw’agateganyo.

Izina Mutabazi rirazwi cyane muri siporo y’u Rwanda. Agaragara mu dushya twinshi dushingiye ku rugwiro agirana n’ab’ibyiciro byose kuva ku bana bato kugera ku basaza n’abakecuru b’imvi z’uruyenzi.

Benshi mu bakurikiranira hafi ibikorwa bye byo mu kazi no hanze yako bahererekanya amafoto ku mbuga nkoranyambaga.

Mu mafoto ye harimo izidasanzwe nk’imugaragaza yashinze umutwe mu busitani buri imbere y’Ikiyaga cya Rumira aho agaragaza impano yo gukora siporo.

Rumira ni ikiyaga kimwe mu bigera ku icyenda biherereye mu Karere ka Bugesera.

Mutabazi kandi akunda guhuza urugwiro n’abafana n’abakinnyi b’Ikipe ya Bugesera FC ifashwa n’akarere ayobora mu buryo bwo kubaba hafi no kubongerera akanyabugabo.

Richard Kwizera abinyujije ku rukuta rwe rwa Twitter, yashyizeho ifoto afata nk’iy’umwaka wa 2018, igaragaza Mutabazi asutamye imbere y’abaturage bari bategerereje hanze y’ibiro bye guhabwa serivisi bari kuganira.

Mutabazi wari umunyamuryango wa Njyanama y’Akarere ka Bugesera. Yasimbuye Nsanzumuhire Emmanuel weguye ku nshingano ze.

Yabaye Umunyamabanga Mukuru w’Ishyirahamwe ry’Umukino wa Basketball mu Rwanda (Ferwaba). Uyu mwanya yawutorewe mu 2013 yongera kugirirwa icyizere muri manda y’imyaka ine mu matora yo mu 2018.

Yanayoboye Ikigo cy’Umukino w’Amagare kiri mu Karere ka Musanze ‘Africa Rising Cycling Center-ARCC’ mu mwaka umwe.

Ni umugabo ugororotse ku buryo abasha siporo zose
Iyi foto yaciye ibintu ku mbuga nkoranyambaga benshi batangarira uyu mugabo
Umutwe yawushinze hasi atandaraza amaguru mu kirere
Mu iterambere ry'umukino w'amagare mu Rwanda yashyizemo itafari rikomeye
Meya Mutabazi mu ifoto y'urwibutso n'umufana wa Bugesera FC
Meya Mutabazi yashimwe urugwiro agaragariza abaturage bagana Akarere ka Bugesera baje gushaka serivisi zitandukanye
Ni n'inshuti y'abakiri bato
Mutabazi Richard yatorewe kuyobora Akarere ka Bugesera ku wa 29 Kamena 2018 nyuma y'amezi abiri ayobora by'agateganyo
Mutabazi ntatangwa mu bikorwa byo kwiteza imbere. Aha yifatanyaga n'abandi mu kubaka akarima k'igikoni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza