Abanyarwanda barekuwe na Uganda na internet mu busitani bwa Kigali mu byaranze icyumweru mu mafoto

Yanditswe na IGIHE
Kuya 12 Nyakanga 2020 saa 11:00
Yasuwe :
0 0

Icyumweru cyo ku wa 6-12 Nyakanga 2020, cyabayemo ibikorwa bitandukanye birimo icyo kurekura Abanyarwanda bari bafungiye ku butaka bwa Uganda nyuma y’igihe batotezwa.

Ku wa Kabiri, tariki ya 7 Nyakanga 2020 nibwo Uganda yashyikirije u Rwanda abaturage 12 barwo bari bamaze igihe bafungiwe muri iki gihugu cy’igituranyi.

Nyuma y’igihe kinini bafungiwe ndetse banatoterezwa muri Uganda, bageze mu gihugu banyuze ku mupaka wa Kagitumba.

Bagejejwe ku mupaka wa Kagitumba bari mu modoka ya Coaster, baherekejwe na Polisi ya Uganda n’abakozi bo mu biro by’abinjira n’abasohoka b’icyo gihugu. Babanje gukaraba intoki mu kwirinda icyorezo cya Coronavirus, ubundi bapimwa umuriro kugira ngo harebwe niba nta bimenyetso bagaragaza by’ubwandu.

Mu bindi bikorwa byaranze icyumweru, Umujyi wa Kigali watangaje ko ubusitani bushya bwuzuye imbere y’icyicaro cyawo bwamaze gutunganywa, bushyirwamo intebe abantu bashobora kwicaramo, na internet nziramugozi y’ubuntu kandi yihuta.

Ni ubusitani bugezweho bwubatswe ku muhanda imbere y’ibiro by’Umujyi wa Kigali, ahateganye n’icyicaro gikuru cya I&M Bank. Bwubatswe ku nyubako yo hejuru, kuko munsi yabwo harimo inzu yagenewe ishyinguranyandiko ry’umujyi wa Kigali.

Aya ni amwe mu mafoto y’ingenzi IGIHE yakusanyije agaragaza ibyaranze icyumweru.

Urugaga rw’Abikorera mu Ntara y’Iburasirazuba, PSF, rwagabiye inka 100 imiryango itishoboye yarokotse Jenoside yakorewe Abatutsi mu 1994, zatanzwe mu mirenge yose igize iyi Ntara mu rwego rwo kubafasha kwiteza imbere
Uganda yashyikirije u Rwanda abaturage 12 barwo bari bamaze igihe bafungiwe muri iki gihugu cy’igituranyi
Mbere yo kurenga umupaka babanzaga gukaraba intoki mu rwego rwo kwirinda ikwirakwira ry'icyorezo cya Coronavirus
Patient Bizimana uzwi cyane mu muziki wo kuramya no guhimbaza Imana yashyize hanze amashusho y’indirimbo ye ‘Ikimenyetso’ agaragaramo ari mu ishusho y’umunyabibazo nyuma ariko akaza kugirirwa neza
Ambasade y’u Bushinwa mu Rwanda yashyikirije Leta y’u Rwanda utwuma dupima ubushyuhe ibihumbi 120 n’udupfukamunwa ibihumbi 18, nk’inkunga rwahawe n’umufasha wa Perezida w’u Bushinwa, Prof Peng Liyuan ngo ikomeze kurufasha mu rugamba rurimo rwo guhangana n’icyorezo cya COVID-19.
Ku wa 10 Nyakanga 2020, Polisi y'Igihugu yerekanye abantu 11 barenze ku mabwiriza yo kwirinda icyorezo cya COVID-19, barimo abafashwe bigisha gutwara imodoka n’abatubahirije amasaha ntarengwa yo kugera mu rugo
Sarah Doukouré yahawe inshingano zo kuyobora Umuryango w’abagiraneza wa Rotary Club Kigali Doyen asimbuye Sebera Eddy wari umaze imyaka ibiri awuyoboye
Umuhanzi Mani Martin yasusurukije abakurikiranye iserukiramuco rya Iwacu Muzika kuri Televiziyo Rwanda, mu ndirimbo ze uhereye ku za kera, aho yafashwaga na Patrick Nyamitari ndetse na Bill Ruzima bombi bazwiho ubuhanga mu kugorora ijwi
Perezida Kagame yaganiriye n’urubyiruko rukoresha imbuga nkoranyambaga, ku rugendo rw’imyaka 26 ishize u Rwanda rwibohoye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .