00:00:00 IGIHE NETWORK KN KINYARWANDA EN ENGLISH FR FRANCAIS

Bahati Grace yateye imitoma umugabo we ku isabukuru ye y’amavuko

Yanditswe na Nsengiyumva Emmy
Kuya 1 June 2022 saa 08:50
Yasuwe :

Bahati Grace wabaye Nyampinga w’u Rwanda mu 2009, yifashishije imitima myinshi mu kwifuriza isabukuru nziza umugabo we baherutse kurushinga muri Nzeri umwaka ushize.

Ku wa 31 Gicurasi 2022, ni bwo Murekezi Pacifique yizihije isabukuru ye y’amavuko. Ni iya mbere yagize kuva arushinze na Bahati Grace.

Kuri uyu munsi, Bahati Grace yateye umugabo we imitoma mu kumwifuriza ibihe byiza bimwibutsa umunsi yaboneyeho izuba.

Abinyujije ku mbuga nkoranyambaga, yagize ati “Isabukuru nziza rukundo rwanjye! Uri impano yaturutse ku Mana. Ni amahirwe adasanzwe kuba ndi ku ruhande rwawe nkakubona ukura, ndagukunda kandi nishimiye kuzarerera hamwe umuryango wacu. Ndagukunda!”

Muri Nzeri 2021 ni bwo Miss Rwanda 2009, Bahati Grace yakoze ubukwe bw’agatangaza muri Leta Zunze Ubumwe za Amerika n’uwo yihebeye Murekezi Pacifique umuhungu wa Fatikaramu wakinnye mu Ikipe ya Rayon Sports.

Ni ubukwe bwatashywe n’ibyamamare binyuranye nka Meddy n’umugore we Mimi, The Ben, Ally Soudy, Miss Umutesi Kayibanda Aurore, Miss Nimwiza Meghan, Miss Iradukunda Elsa, Ndayishimiye Jean Claude na Jay bazwi mu kwerekana imideli, Cedru wamamaye mu gukora amavidewo y’indirimbo n’abandi benshi.

Umwaka ushize ni bwo Bahati Grace yakoze ubukwe na Murekezi, bwabereye muri Leta Zunze Ubumwe za Amerika
Ni ubwa mbere Murekezi yizihije isabukuru kuva yarushinga na Bahati Grace
Bahati Grace ni we wegukanye ikamba rya Miss Rwnada 2009
Bahati Grace yibukije Murekezi ko yishimiye ko bazafatanya gukuza umuryango wabo
Bahati Grace yavuze ko ari umugisha kuba aba iruhande rwa Murekezi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .