Mu rukerera rwo kuri uyu wa Gatatu, ni bwo Muvandimwe Jean Marien Vianney n’umugore we, Umwari Rurangwa Irène uzwi ku izina rya Soleil, bibarutse imfura yabo y’umuhungu.

Soleil yibarukiye mu Bitaro Bikuru bya Polisi biherereye mu Murenge wa Kacyiru saa Munani z’ijoro.

Ku wa 22 Kamena 2021, ni bwo uyu mukinnyi n’umugore we bari basezeraniye mu Murenge wa Nyakabanda ho mu Karere ka Nyarugenge.

Muvandimwe yakiniye amakipe arimo Police FC yamazemo imyaka itandatu; yayigiyemo avuye muri Gicumbi FC aho izina rye ryamenyekaniye. Yigeze no guhamagarwa mu Ikipe y’Igihugu Amavubi.

Uyu myugariro w’inyuma ku ruhande rw’ibumoso, azakinira Rayon Sports nyuma yo kuyisinyira imyaka ibiri muri Nyakanga 2021.

Muvandimwe Jean Marie Vianney ukinira Rayon Sports yibarutse imfura nyuma y’amezi abiri asezeranye

Baherukaga gutanga integuza y'umwana bitegura kwibaruka

Soleil yibarukiye mu Bitaro Bikuru bya Polisi biherereye ku Kacyiru

Ku wa 22 Kamena 2021, ni bwo Muvandimwe n’umugore we basezeraniye mu Murenge wa Nyakabanda

Umwari Rurangwa Irène uzwi ku izina rya Soleil yari aherutse kwerekana ko atwite