Mimi ukundana na Meddy yahishuye ko ariwe cyamamare yihebeye

Yanditswe na Uwiduhaye Theos
Kuya 31 Werurwe 2019 saa 01:46
Yasuwe :
0 0

Umukunzi wa Meddy witwa Mimi Mehfira ukomoka muri Ethiopie, yashimangiye ko yihebeye uyu musore mu buryo budasanzwe ndetse ko nta wundi muntu w’icyamamare akunda nkawe.

Uyu mukobwa yahaye rugari abamukurikira ku rukuta rwe rwa Instagram ngo bamubaze ibibazo bitandukanye bimwerekeye.

Umwe mu bakurikira uyu mukobwa yamubajije umwe mu byamamare yaba yarihebeye, undi mu gusubiza avuga ko ari Meddy usanzwe ari umukunzi we.

Yahise ashyira ifoto ya Meddy kuri uru rubuga arangije avuga ko ariwe wenyine, ndetse anashyiraho utundi tumenyetso twerekana urukundo rwinshi.

Hari n’undi waje aramubaza ati “Umuhungu mukundana yaba ajya atuma wiyumva nka Ciara?” undi mu gusubiza aseka cyane avuga ko ‘kurusha umwamikazi ahubwo’.

Mu bindi yasubije abamukurikira harimo no kuba akumbuye byihariye mu Rwanda avuga ko atariwe uzabona yongeye kuhagaruka.

Mu mpera za 2017 nibwo hatangiye guhwihwiswa umubano wihariye hagati ya Meddy n’uyu mukobwa wo muri Ethiopie.

Mu 2018 nabwo bagiye baca amarenga ndetse bajyana muri Mexique mu biruhuko ariko ntibashyira hanze amafoto bari kumwe n’ubwo nyuma byaje kuvumburwa ko bari bajyanye.

Ku wa 7 Kanama 2018, ubwo Meddy yizihizaga isabukuru y’imyaka 30, mu butumwa butabarika yakiriye bwiganjemo ubw’abafana bamwifuriza umunsi mwiza, icyo gihe na Mimi yabigize akarusho avuga byeruye ko ‘amukunda’.

Uyu mukobwa yashyize kuri Instagram ifoto ari kumwe na Meddy, ayiherekeza amagambo y’Ikinyarwanda abwira mugenzi we ati “Mutima wanjye, ndagukunda”, arangije ashyiraho utumenyetso tw’umutima.

Ubwo Meddy yazaga mu Rwanda mu gitaramo cya East African Party 2019, yazanye n’uyu mukobwa anashimangira urukundo rwabo mu gitaramo ubwo yamwerekaga abari bitabiye.

Mimi yavuze ko yihebeye Meddy
Meddy ubwo yazaga mu Rwanda mu mpera z'umwaka ushize yazanye n'umukunzi we
Meddy ubwo yazaga i Kigali nawe yahamije ko yihebeye Mimi amwereka abakunzi be
Muri Gicurasi 2018 Meddy n'uyu mukobwa bagiye kuruhukira muri Mexique
Meddy ngo atuma umukunzi we yiyumva nk'umwamikazi
Uyu mukobwa yabwiye Meddy ko amukunda byihariye ubwo yizihizaga isabukuru y'amavuko

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza