00:00:00 IGIHE NETWORK KN KINYARWANDA EN ENGLISH FR FRANCAIS

Icyishatse Hervé ukinira REG BBC yambitse impeta umukunzi we (Amafoto)

Yanditswe na Eric Tony Ukurikiyimfura
Kuya 1 Ugushyingo 2021 saa 06:58
Yasuwe :
0 0

Icyishatse Hervé ukinira REG BBC yambitse impeta umukunzi we, Niwenshuti Mignone, nyuma yo kumwemerera kuzamubera umugore.

Iki gikorwa cyabereye ku Muhima ku Cyumweru, tariki ya 31 Ukwakira 2021.

Icyishatse ukina asatira muri REG BBC, yasabye Niwenshuti Mignone kuzamubera umugore na we arabimwemerera, amwambika impeta.

Uyu mukinnyi ni umwe mu bafashije REG BBC gutsinda Patriots BBC amanota 64-49 ku wa Gatandatu, ikegukana Igikombe cya Shampiyona ya Basketball yaherukaga mu 2017.

Yabwiye IGIHE ko icyatumye asaba Niwenshuti kuzamubera umugore ari uko yasanze ari umukobwa umukunda kandi ufite imico myiza.

Ati “Icyo namukundiye ni uko asenga, arubaha, akunda umurimo ndetse aritanga. Hejuru y’ibyo, arankunda.”

Icyishatse na Niwenshuti bamaze imyaka isaga itatu bakundana, bazasezerana ku wa 18 Ukuboza 2021 ari nabwo hazaba umuhango wo gusaba no gukwa.

Icyishatse w’imyaka 27 ni umukinnyi wa REG BBC guhera mu mwaka w’imikino wa 2017/18 nyuma yo kuyigeramo avuye muri IPRC Huye BBC.

Yatangiye gukina Basketball yitoreza ku kibuga cya Kimisagara mbere yo kwerekeza mu Ikipe ya 30 Plus yazamukiyemo mu 2014.

Muri uwo mwaka ni bwo yerekeje mu Ishuri rya RP-IPRC Huye, arikinira imyaka itatu mbere yo kwerekeza muri REG BBC amazemo imyaka ine.

Icyishatse Hervé yatunguye umukunzi we, Niwenshuti Mignone, amwambika impeta
Icyishatse na Niwenshuti bamaze imyaka isaga itatu bakundana
Niwenshuti yemereye Icyishatse Hervé kuzamubera umugore
Niwenshuti Mignone yerekana impeta y'urukundo yambitswe ku Cyumweru
Ubukwe bwa Icyishatse na Niwenshuti buzaba ku wa 18 Ukuboza 2021

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .