Muri filime mbarankuru ari gukorwaho na Netflix, uyu Munya-Argentine w’imyaka 27 yemeye ko atabashaga kwishyura ibyuma bishyushya cyangwa bigakonjesha mu nzu.

Georgina wagiye mu murwa mukuru wa Espagne mu myaka ya nyuma y’ubwangavu, avuye mu Mujyi wa Pyirenees muri Jaca, yavuze ko akigera “i Madrid byari bibi”.

Ati “Nashakaga inzu za make zikodeshwa mu 250£ ku kwezi noneho mbona icyumba cyahoze kibikwamo ibintu.”

“Cyabaga gikonje cyane mu bihe by’ubukonje kandi gishyushye mu mpeshyi. Ubuzima bwanjye bwahindutse umunsi nahuye na Cristiano Ronaldo.”

Georgina yatangiye kurambagizanya na Cristiano Ronaldo ubwo yakoraga mu iduka rya Gucci i Madrid, ahembwa 10£ ku isaha.

Kuva ubwo, ubuzima bwe bwarahindutse, ava ku kugorwa no kwishyura ubukode, agera ku kuba uyu munsi akurikirwa n’abasaga miliyoni 30 kuri Instagram.

Yavuze ko filime mbarankuru iri kumukorwaho yitwa “Soy Georgina” izasohoka mu bice bitandatu tariki ya 27 Mutarama mu gihe isabukuru ye y’amavuko izaba ku wa 28 Mutarama.

Byitezwe ko Georgina Rodríguez azibaruka impanga z’ibitsina byombi muri Mata uyu mwaka mu gihe kandi yabyaranye na Cristiano Ronaldo umukobwa bise Alana Martina mu 2017.

Georgina Rodriguez yavuze ko yabaga mu cyumba gishaje mbere y'uko ahura na Cristiano Ronaldo

Georgina akurikirwa n'abagera kuri miliyoni 30 kuri Instagram

Georgina Rodriguez yavuye ku kugurisha ibikapu none agenda mu ndege zihariye

Soy Georgina izagaragariza abafana b'uyu mugore uko ubuzima bwe bwari bumeze mbere y'uko ahura na Ronaldo

Cristiano Ronaldo yahinduye ubuzima bwa Georgina Rodriguez

Filime mbarankuru izerekana ubuzima bwa buri munsi bwa Georgina Rodriguez