Kizito Mihigo yataramiye i Nyamagabe ku isabukuru ye y’amavuko

Yanditswe na Bukuru JC
Kuya 25 Nyakanga 2019 saa 11:01
Yasuwe :
0 0

Umuhanzi Kizito Mihigo yataramiye abakirisitu bo mu Karere ka Nyamagabe, aho yagiyeyo yitabiriye ihuriro ry’urubyiruko Gatorika ku rwego rw’igihugu.

Ni ibirori byahuriranye n’isabukuru ye y’amavuko, aho yujuje imyaka 38. Kizito Mihigo yavutse ku wa 25 Nyakanga 1981, avukira i Kibeho mu Karere ka Nyaruguru, ni mu Ntara y’Amajyepfo.

Mu kiganiro yagiranye na IGIHE, Kizito yavuze ko yishimiye kwizihiriza isabukuru ye mu isengesho.

Ati "Iyi myaka 38 maze ku isi, yambereye ubuhamya bukomeye bw’urukundo rw’Imana."

Yakomeje avuga ko Imana yamubaye hafi mu bihe byose ariyo mpamvu yayigeneye umwanya ukomeye kuri uyu munsi, mbere y’inshuti, abavandimwe n’umubyeyi we.

Ati "Mu bihe bikomeye no mu bihe by’ibyishimo, Imana yangaragarije ko iri kumwe nanjye. Sinzigera mbyibagirwa."

Uyu ni umwaka wo kurushaho kwiyubaka kuri Mihigo, kuko nyuma y’imyaka ine n’igice afungiwe ibyaha birimo kurema umutwe w’abagizi ba nabi, icyaha cy’ubugambanyi bwo kugiririra nabi ubutegetsi buriho ndetse n’icyaha cy’ubwoshye bwo kugiririra nabi Perezida wa Repubulika, ku wa 15 Nzeri 2018 nibwo yasohotse muri Gereza ya Mageragere, ku mbabazi yahawe na Perezida Kagame.

Uyu muhanzi yizihije isabukuru y’imyaka 38 nyuma yo gusohora indirimbo yo mu rurimi rw’Igifaransa yahimbye mu kwezi gushize, ayitura Papa Francis, umushumba wa Kiriziya Gatorika ku isi.

Kizito Mihigo yifatanyije n'abakristu b'i Nyamagabe
Kizito yishimiye kuzuza imyaka 38 ari mu bikorwa by'amasengesho
Musenyeri Servilien Nzakamwita yavuze ijambo nk'ureberera urubyiruko gatolika mu Rwanda
Ababikira bari bitabiriye iki gikorwa
Abihayimana ubwo bakoraga umutambagiro

Reba indirimbo Kizito Mihigo aherutse gushyira hanze


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza