Théodore, izina ry’umuhungu wifitemo impano y’ubugeni

Yanditswe na Ndayikunda Josué
Kuya 23 Ukwakira 2019 saa 09:00
Yasuwe :
0 0

Théodore ni izina rihabwa abana b’abahungu, rikaba rikomoka mu Kigiriki, Θεοδωρος, (Theodōros) aho risobanura ‘impano y’Imana.’

Izina Théodore ryakunze gukoreshwa cyane n’abanyamibare, abahanga mu by’imitekerereze n’abayobozi bo mu Bugiriki cyane mbere ya Yesu Kirisitu.

Ni izina ryamamaye cyane muri Leta Zunze Ubumwe za Amerika no ku Mugabane w’u Burayi mu bihugu birimo u Burusiya n’u Bufaransa.

Bamwe mu byamamare bazwi bahawe iri izina rya Théodore barimo Theodore Roosevelt Jr. wabaye Perezida wa 26 wa Leta Zunze Ubumwe za Amerika hagati ya 1901-1909.

-  Bimwe mu biranga ba Théodore

Ba Théodore bumva bahora baharanira kugira Isi nziza, bakaba abanyembaraga kandi ntacyo batinya. Banga urunuka akarengane kandi bumva abandi.

Ni abantu baha agaciro gakomeye urukundo no kwinezeza muri rwo. Ubucuti n’abandi n’ubuzima babamo butuma bahorana ibitekerezo bigamije kumenya no kuvumbura urusobe rw’ibinyabuzima.

Ba Théodore kandi bigiramo impano y’ubugeni ndetse bashobora kugira inama abandi no kubabera icyitegerezo.

Muri kamere yabo, ba Théodore ni abanyempuhwe, imico yabo n’imiterere yabo ibakururira ku bantu kandi bumva umwuga uwo ariwo wose bakora waba ufite aho uhuriye n’inyungu za muntu.

Abantu bitwa ba Théodore akenshi usanga bajya mu rukundo vuba ariko usanga bababara vuba rimwe na rimwe bigaragara nkaho ari abanyamujinya.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza