Sadie, izina ry’umukobwa woroherwa no kumva amarangamutima n’ibitekerezo by’abandi

Yanditswe na Ishimwe Deborah
Kuya 27 Ukwakira 2020 saa 08:28
Yasuwe :
0 0

Sadie ni izina rikomoka mu rurimi rw’Icyongereza, risobanura “Igikomangomakazi”. Ryagaragaye bwa mbere ku Isi ahagana mu 1880, rihabwa abana b’abakobwa 317 aho ryaje kumenyakana cyane muri Leta ya Carolina y’Amajyepfo, hagati y’umwaka wa 1910 na 2018 ndetse riza ku mwanya wa 74 mu mazina akunzwe muri icyo gihe.

Uwitwa iri zina akunze kurangwa no guhuza abantu kandi akunda kuyoborwa aho kuyobora abandi. Arumva kandi agira amakenga ndetse akunze kuvamo umukinnyi mwiza mu ikipe.

Ashobora kumva byoroshye amarangamutima n’ibitekerezo by’abandi bantu, ahora yifuza kwita no gufasha abo akunda. Aha agaciro umuryango we ndetse n’imico gakondo iwuranga kandi ni wa muntu ushobora kwitanga kugira ngo arengere abandi.

Muri kamere ye arangwa n’ubushobozi bwo gutanga ibitekerezo, gusa ntiyoroherwa no kugaragaza impano ye y’ubuhanzi igihe ayifite. Akunze kuba mwiza akanagira igikundiro kandi abantu bishimira urukundo abaha.

Iyo abantu bumvise izina Sadie, bamubona nk’umuntu ukangura, utanga ibitekerezo, uvuga amagambo menshi, kandi ufite umutima mwiza, ushobora gukurura, guhindura no gutera abantu inkunga.

Akunze kugira amahirwe yo gutsinda bigatuma abantu benshi bishimira gukorana nawe. Abantu bafite iri zina bakunze kuba abaganga, abahanga mu bwubatsi, abarimu, abacungamutungo, abacuruzi n’abanyabugeni.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .