Rayane, izina ry’umuhungu uhorana inyota yo kuvumbura byinshi ku rusobe rw’ibinyabuzima

Yanditswe na IGIHE
Kuya 20 Werurwe 2019 saa 07:00
Yasuwe :
0 0

Rayane, ni izina rihabwa abana b’abahungu ariko rimwe na rimwe n’abakobwa bakaba bashobora kuryitwa, rikomoka mu Giheburayo aho risabonura ‘Imana yatugiriye ubuntu’.

Iri zina ryihariye rigaragara cyane ku mugabane w’u Burayi, by’umwihariko mu Bufaransa ari naho hakomoka umukinnyi wa filimi witwa Rayane Bensetti wamenyekanye mu yitwa Coup de foudre à Jaipur, Tamara n’izindi.

Bimwe mu biranga ba Rayane

Ba Rayane barangwa iteka no gusohoza ibyo batangiye, barihangana kandi bagakunda gufasha abandi. Barakora cyane, kandi bakishimira guha bagenzi babo umwanya uhagije no kubatega amatwi.

Bihanganira intege nke z’abandi kandi bagakora ibikorwa bitagamije gufasha umuntu umwe gusa ahubwo bihindura ubuzima bwa bose, bishyira mu mwanya w’abandi kugira ngo babashe gusobanukirwa ibibazo n’agahinda bafite.

Ba Rayane bakunda ibidukikije n’urusobe rw’ibinyabuzima ku buryo bituma bahora bafite inyota yo gukora bya bikorwa bitabasaba kuguma imbere mu nzu.

Ubwiza bw’ibidukikije babona iyo basohotse mu nzu biri mu bibabera impumeko mu byo bakora byose, kandi iteka bagahorana inyota yo kuvumbura byinshi ku rusobe rw’ibinyabuzima.

Nubwo ari ba bantu babazwa n’abandi mu buryo bworoshye, ntibakunze kubigaragaraza, ahubwo iteka bahorana imvugo yuje amagambo aremamo abandi icyizere.

Rayane Bensetti yamenyekanye cyane ubwo yegukanaga irushanwa ryo kubyina rya 'Dance avec les stars' mu Bufaransa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza