Papias, izina ry’umuhungu uzi gushaka amafaranga no kuyacunga neza

Yanditswe na Ndayikunda Josué
Kuya 15 Ugushyingo 2019 saa 07:20
Yasuwe :
0 0

Papias ni izina rikomoka mu Kilatini ariko rifite aho rihurira n’ijambo ry’Ikigereki ‘Papías’, rihabwa ibisobanuro bitandukanye bitewe n’amagambo y’Ikigereki rikomokaho.

Urugero hari ijambo ‘pápia’ rivuga inyoni, hari ‘papás’ rivuga umwigisha, hakaba na ‘Pápas’ bivuga Papa.

Papias ni izina rikunda gukoreshwa muri Norvège, Ibirwa bya Féroé, Suède na Denmark.

-  Ibiranga ba Papias

Ba Papias bakunda kubona ibintu bidasanzwe kuko bizamura amarangamutima yabo cyane. Ibi bivuze ko baryoherwa n’impano zibatunguye cyane.

Ni abantu bakunda gufata ibyemezo bisa naho biteye ubwoba ariko muri kamere zabo nta bwoba bagira kandi nibyo bibagira abo baribo.

Bazi gucunga amafaranga babonye bakamenya no kuyashaka mu buryo bwose. Ibi bituma usanga n’ubuzima bwabo akenshi buba ari bwiza ntacyo babuze. Ibintu barimo uwo mwanya babyimariramo ku buryo akenshi bishobora no gutuma kubana na bagenzi babo bitaborohera.

Ni abakoranabushake, bakorera ku ntego, ntibatinya akazi ariko bakunda gukora akazi bumva bakunze kandi bakakimariramo n’umutima wabo wose. Bagira ukuri bagashyira no mu gaciro, bakunda ubwisanzure bakanga urunuka guhera ahantu hamwe.

Inenge ba Papias bagira ni ugukora ibintu byinshi cyane yewe binarenze ubushobozi bwabo. Ariko ibi byose babiterwa nuko bakunda akazi no kwimariramo ibyo bakora dore ko usanga baba bazi neza ibijyanye n’akazi bashinzwe.

Ba Papias mu buzima busanzwe ni abantu basabana kabone nubwo imiterere yabo ishobora kugaragara nkaho bihugiraho cyane.

Ni abantu bakunda kubaho mu buzima buri ku murongo butajagaraye. Ibi uzabibona n’ubasura kuko uzasanga akenshi baba bari gusukura mu rugo banashyira ibintu mu buryo. Bagira impano ikomeye yo gushaka icyiza mu bihe bitandukanye yaba ibyoroheje n’ibigoye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza