Lamech, izina ry’umuhungu ukora ikintu yabanje gutekerezaho cyane

Yanditswe na IGIHE
Kuya 22 Werurwe 2019 saa 07:14
Yasuwe :
0 0

Lamech cyangwa Lameck, n’izina rihabwa abana b’abahungu ariko ridakunze kugaragara cyane, rifite inkomoko mu Giherubayo, aho risobanura ‘uwacishijwe bugufi’.

Iri zina rigaragara muri Bibiliya, igitabo cy’Intangiriro 4:18, kigaragaza ko Lameki (mu Kinyarwanda), ari ubuvivure bwa Kayini. Uyu azwiho kandi kuba ari we muntu wa mbere wazanye umuco wo gushaka abagore barenze umwe, kuko yari yarashakanye na Ada na Sila.

Bimwe mu biranga ba Lameck

Ba Lameck barangwa no guhora baharanira kubana neza no kunyurwa n’ibyo bafite mu buzima bwabo. Iteka bifuza gukorana n’abandi kandi bakanezerwa iyo hari ugaragaje ko ashima uko bitwara.

Ntibashobora gucika intege cyangwa ngo batuze igihe icyo biyemeje gukora kitaratanga umusaruro bifuza, dore ko baba banabanje gufata umwanya uhagije wo kugitekerezaho.

Nubwo ari ba bantu bagira ubuntu ariko ntibishima iyo batituwe, bafite ubushobozi bwo kuyobora ku buryo iyo bahawe inshingano bazitwaramo neza.

Ba Lamech bumva batuje mu gihe inzu batuyemo ari iyabo bwite kandi umuryango wabo ukaba nta kintu ubaburana. Mu buzima bwabo baharanira ko nta muntu n’umwe urenganywa, kandi iyo bakurikije amategeko babasha kugera ku ntego baba barihaye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza