Gaella, izina ry’umukobwa ukunda ubugeni no kumva umuziki

Yanditswe na Ndayikunda Josué
Kuya 7 Ugushyingo 2019 saa 07:30
Yasuwe :
0 0

Gaella cyangwa Gaëlla ni izina rikunze guhabwa abana b’abakobwa, rikaba rikomoka mu Budage ariko rigakoreshwa cyane mu bihugu bivuga ururimi rw’Igifaransa.

Nubwo ritamamaye cyane, riri mu mazina 1000 agezweho mu 2019 ku buryo usanga n’abana benshi bavuka muri iki gihe b’abakobwa barihabwa.

-  Ibiranga ba Gaella

Ba Gaella bakunda ibyiza nyaburanga no kuryoherwa n’ubuzima. Ibitekerezo byabo byiza bakunda kubigaragaza babinyujije mu mivugo, ibirimo inyandiko n’ibindi bintu bifite aho bihuriye n’ubugeni.

Ni abantu bakunda kumva imiziki, bakanga ingeso zigaragaza umuntu nk’umunyamusozi cyangwa utagira ikinyabupfura. Ba Gaella kandi bakunda gutinda ku tuntu duto duto badutekerezaho, dore ko baba batekereza niba koko bari kuzuza inshingano baba bafite.

Ntibyoroshye kumenya neza uburyo ba Gaella bateye kuko bakunda guhisha amarangamutima yabo, ariko usanga byoroshye kubabara kuko bagira umutima woroshye cyane.

Ba Gaella bakunze kuvuga ko biyemera bakaba na ba nyamwigendaho bitewe nuko badakunda ko umuntu apfa kubamenya wese, ibi bikanajyanirana nuko rimwe na rimwe usanga ngo nta cyizere bigirira iyo bari kuganira n’abandi batinya ko bajora ibitekerezo byabo.

Ba Gaella bicisha bugufi kandi bakitonda, gusa bakunda kuba bari bonyine kabone n’iyo baba bari mu bantu benshi. Ibi bituma akenshi bagaragara nka ba nyamwigendaho bigatuma bahugira mu gusoma inyandiko cyane dore ko ari n’ibintu bakunda.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza