Asiya, izina ry’umukobwa ugaragaza icyo atekereza atabanje guca ku ruhande

Yanditswe na IGIHE
Kuya 21 Werurwe 2019 saa 07:11
Yasuwe :
0 0

Asiya cyangwa se Asiyah, ni rimwe mu mazina ahabwa abana b’abakobwa bavuka cyane cyane mu miryango y’Abayisilamu, rifite inkomoko mu Cyarabu aho risobanura ‘Uwita ku bafite intege nke kandi akabavura’.

Iri zina rimaze igihe kinini rikoreshwa, dore ko igitabo cya Quran (Korowani), kigaragaza ko umugore w’umwami Pharaoh wabayeho mu gihe abaturage ba Israel bari bajyanywe bunyago mu Misiri, yitwaga Asiya bint Muzahim.

Ntiyashimishwaga n’ibikorwa by’umugabo we, ndetse ngo ubwo Musa yakoreraga igitangaza mu rugo rw’umwami yahise atangira gushyigikira ko abantu basenga Imana imwe.

Asiya ufatwa na Islam nk’umwe mu bagore bane bakomeye babayeho barimo Mariya nyina wa Yezu, Khadija wari umugore wa Muhammad n’umukobwa we Fatima, nawe yasengaga yihishe kubera gutinya umugabo we.

Bimwe mu biranga ba Asiya

Ba Asiya ni abanyembaraga buzuye, bafite ubwenge kandi iteka bahora bashakisha aho bakora bakumva koko batanze intege zose batizigamye.

Ni ba bantu usanga bakunda gutegura ibikorwa runaka ariko akenshi bakishimira ko abandi aribo bashyira mu bikorwa imishinga yabo. Ntibapfa gutinya kandi igihe bafite igitekerezo runaka ntibaca ku ruhande.

Rimwe na rimwe bagira kutava ku izima no kunenga abandi ku rugero rwo hejuru, gusa ibi ntibituma batishimirwa kuko uburyo babona ubuzima ndetse bagaharanira gutanga umusaruro bituma baba mu bantu bigenzi muri sosiyete.

Nubwo ari ba bantu bigenga kandi bakora gahunda zabo uko bazitekereje, ni byiza kubigisha kwizigama bakiri bato kuko akenshi bisangana umuco wo gusesagura.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza