Kwamamaza

Amajyepfo:Basabwe kubungabunga ubudasa bw’intara mu muco n’amateka

Yanditswe kuya 6-08-2016 saa 09:46' na Ezechiel Mbananabo


Intara y’Amajyepfo ibumbatiye byinshi bigaragaza amateka n’umuco by’Abanyarwanda, ndetse usanga ibyiza ndangamateka biyibarizwamo bikurura ba mukerarugendo n’abandi bifuza kuharahura ubumenyi butandukanye.

Birimo inzu Ndangamurage y’u Rwanda iherereye mu Karere ka Huye, ibitsemo amateka anyuranye y’ u Rwanda, Ingoro y’Umwami Mutara III Rudahigwa iri mu Rukari mu Karere ka Nyanza,Urutare rwa Kamegeli ruherereye mu Ruhango, Ijuru rya Kamonyi riri ku musozi wa Kamonyi ikigabiro cy’umwami Yuhi Musinga kiri mu Karere ka Nyanza n’ikibuye cya Shali, ibuye rinini riri mu birometero bisaga 12 uturutse mu Mujyi wa Huye werekeza ku Kanyaru mu Karere ka Nyaruguru.

Kuri uyu wa Gatanu tariki ya 5 Kanama 2016, mu Karere ka Nyanza,hizihirijwe umunsi w’umuganura ku rwego rw’igihuhu, aho witabiriwe n’abayobozi batandukanye, imbaga y’abanyenyanza n’abandi baturutse mu bice bitandukanye by’igihugu.

Minisitiri w’Umuco na Siporo, Uwacu Julienne, yasabye abaturage b’Intara y’Amajyepfo kuzirikana ubudasa bw’intara yabo mu bijyanye n’amateka n’umuco bongera imbaraga mu kubungabunga ibyiza ndangamateka biyibarizwamo.

Yagize ati “Mu turere umunani tugize Intara y’Amajyepfo nta na hamwe ugera ngo ubure kuhasanga umwihariko, ndasaba abayituye kuzirikana ubwo budasa bakabubungabunga batizigamye kuko ari umutungo uhuriweho n’Abanyarwanda.

Ibikorwa bifitanye isano n’umuco bikomeze byongerwemo imbaraga mu mihigo duhiga iteka bijye biza ku isonga.”

Yagaragaje ko umuco w’abanyarwanda urimo byinshi igihugu cyubakiyeho, ndetse ko kizakomeza kubigenderaho mu rugendo rw’iterambere,kwigira no kwihesha agaciro no kubaka ubunyarwanda buhamye.

Ati “Ubwiza kamere n’ahantu nyaburanga hafite amateka yihariye dukwiye kuhabungabunga tukahateza imbere kugira ngo n’umusaruro ukomoka ku bukerarugendo bushingiye ku muco ukomeze kwiyongera.”

Ingoro y'umwami Mutara wa III Rudahigwa iherereye i Nyanza
Inzu Ndangamurage y'u Rwanda iherereye mu Karere ka Huye
Ahiswe ku ijuru rya Kamonyi
Ikibuye cya Shali giherereye mu Karere ka Nyaruguru

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved