Kwamamaza

Canada: Abanyarwanda baratiye amahanga umuco gakondo (Video)

Yanditswe kuya 5-08-2016 saa 08:11' na IGIHE


Abanyarwanda baba muri Canada bakumbuje u Rwanda abanyamahanga, babereka bimwe mu bigize umuco warwo ndetse banakoresha amafoto babaratira ibyiza biruranga.

Canada: Abanyarwanda baratiye amahanga umuco gakondo (Video)

Ni mu iserukiramuco ry’iminsi itatu ryabereye mu Mujyi wa Edmonton, mu Burengerazuba bw’Intara ya Alberta, aho amatsinda y’abantu baturuka mu bihugu 65 bamuritse imico yabyo, u Rwanda na rwo rukaba rwari ruhagarariwe.

Theophile Rwigimba, Umuyobozi wa Diaspora Nyarwanda muri Canada yatangaje ko Umurage ari umuyoboro mwiza ufasha guhuza abantu, ukaba n’ikiraro hagati y’imiryango, ariko kandi kuri bo ni no gusigasira umuco nyarwanda.

Yakomeje avuga ko ari “Ishema kuri twe, ku muryango ndetse no ku gihugu dukomokamo, ndetse kandi ni no mu rwego rwo gutegura ejo hazaza heza.

Muri iryo serukiramuco ryatangiye kuwa 30 Nyakanga rigasozwa kuwa 1 Kanama, ibihumbi by’abanyamahanga bafite amatsiko yo kumenya u Rwanda, babashije kwibonera imbyino nyarwanda, ibikorwa by’ubugeni, ibiribwa nyarwanda byuje uburyohe, imyambaro n’ibindi.

Abanyarwanda kandi bari bitwaje n’amafoto agaragaza ubwiza bw’u Rwanda mu nzego zitandukanye, ndetse banatanga udutabo duto tugaragaza ubukerarugendo ndetse n’ahantu nyaburanga nk’uko Ikigo cy’Igihugu gishinzwe Iterambere (RDB) cyari cyabiteguye.

Abari bitabiriye iryo serukiramuco, bahavuye bamenye ubuhangange bw’Ikawa ndetse n’Icyayi bihingwa mu rw’imisozi igihumbi.

Iryo serukiramuco ndangamurage ryatumye abanyamahanga babasha gusobanukirwa uburyo u Rwanda rwivanye mu icuraburindi rwarimo mu myaka 22 ishize, ubu rukaba rumaze kugera ku iterambere bamwe bajya bumva nk’inzozi abandi bakaryita “ibitangaza”.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved