Nsanzabera yashyize hanze igitabo gikubiyemo ikinamico yise“Ingizi yabwo ntiyabugaruriwe”

Yanditswe na IGIHE
Kuya 31 Mutarama 2021 saa 09:32
Yasuwe :
0 0

Nyuma y’imyaka 24 umusizi Nsanzabera akora ubushakashatsi ku muco, ubuvanganzo n’amateka by’u Rwanda, ndetse akanandikamo ibitabo bitari bike, noneho yinjiye no mu nganzo y’amakinamico aho yanditse iyiswe “Ingizi ya bwo ntiyabugaruriwe”.

Kamere y’iki gitabo cy’amapaji 56, ni iy’Ikinamico zishobora gukinwa mu ruhame cyangwa se kuri Radiyo. Ikaba ari Ikinamico yimakaza umuco wo kubabarira no gusaba imbabazi, ubumwe n’ubwiyunge, no kurwanya Jenoside yakorewe Abatutsi n’ingengabitekerezo yayo.

Mu kiganiro na IGIHE, Nsanzabera yagize ati “N’ubwo umutima muhanano utuzura igituza, ariko ntujya uganza umutima w’imbabazi n’ubugiraneza burenga akahise bukubakira ku ntego yo kwimakaza amahoro n’imico mbonera y’ubumuntu”

Si kenshi uwabereye undi imfura, akabugirira n’abandi, abwiturwa n’abo yabugiriye. Nibyo byabaye ku musaza Rusaneza n’umugore we Nyirayuhi, batengushywe n’abaturanyi babo Rukarabankaba n’umugore we Nyirabyavu, babakoreye ibya mfura mbi kandi baranabagabiye Inka, bakababera abaturanyi beza.

Umukecuru Nyirayuhi, ni urugero rwiza rwo kurenga imitekerereze yo kubakira ku nzika, yimakaje kubabarira abamwiciye abana n’umugabo, arahindukira abahindura abana be, ndetse yiyemeza no kubaha umurage mu kigwi cy’abe batakiriho.

Nsanzabera yavuze ko urwo ari urugero rwiza buri wese akwiye kugira urwe, agaharanira kwimakaza umuco wo kubabarira.

Yavuze ko yifuza ko uzasoma iyi Kinamico cyangwa se uzayibona bayikina, izamubera urugero rwiza rw’ubutwari bwo kubabarira ku biciwe no gusaba imbabazi ku bishe imbaga y’Abatutsi muri Jenoside. Ndetse

Ibitabo byanditswemo iyi Kinamico” Ingizi yabwo ntiyabugaruriwe”, byamaze kugera ku isoko, aho biboneka mu maguriro y’ibitabo nka Caritas no mu Ikirezi i Kigali.

Nsanzabera yavuze ko yanditse iyi kinamico agamije gutanga umusanzu we mu guhashya ingengabitekerezo ya Jenoside

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .