Kwamamaza

Kigali: Edition Bakame irakataje mu gufasha abana gutinyuka kuvuga

Yanditswe kuya 26-11-2016 saa 07:00' na IGIHE


Iyandikiro ry’ibitabo bigenewe abana n’urubyiruko b’u Rwanda rizwi nku izina rya Editions Bakame ryashyize hanze ibitabo bitatu bigenewe abana mu mpera.

Ubuyobozi bw’iri yandikiro bwemeza ko ari amahirwe ku bana bari hagati y’imyaka itatu na 10 yo gutyaza ubwenge, kumenya gusoma no gutinyuka kuvuga basangiza abandi inkuru zinogeye amatwi basomye muri ibi bitabo.

Umuyobozi wa Editions Bakame mu Rwanda, Agnes Gyr-Ukunda, yashimangiye ko ibi bitabo bine birimo icyitwa ‘Uruhimbi rwa Nyanka’ n’ikindi cyitwa ‘Akajangwe Buroho’, biri mu byafasha abana gutinyuka kuvuga.

Nyuma y’umuhango wo kumurikira abana ibi bitabo bishya, Agnes Gyr-Ukunda yagize ati “Igitabo kimara irungu umwana ari na cyo cyifuzo cy’ababikora ndetse n’abarezi n’ababyeyi, twagombye gufatanya twese kuko igitabo gifasha umwana arasoma akishima, akanezerwa, akabwira undi mwana ibyo yasomye bikamufasha gutinyuka kuvuga, umwana nk’uyu igitabo kimufasha gutyaza ubwenge no kumva afite ijambo mu bandi.”

Yakomeje ashimangira ko ibitabo byose byasohowe na Edition Bakame byanditswe mu buryo bufasha abana bakiri bato ndetse n’ingimbi gukurana ubwenge bushingiye ku muco nyarwanda.

Ibirori byo kumurika ibi bitabo byari byitabiriwe n’ababyeyi b’aba bana batumiwe, nabo bagaragaje ko bagenda babona inyungu zo gutoza umwana gusoma akiri muto.

Aba babyeyi bashimangira ko ari bwo buryo bwiza bwo kuzamura umuco wo gusoma mu banyarwanda.

Editition Bakame imaze imyaka 21 ikorera mu Rwanda ibitabo byakoze ku mitima ya benshi birimo “Humura shenge”, “Umukobwa w’ingona”, “Yifuje ubwiza”, “Abana b’inkubaganyi”, “Undutira abandi” n’ibindi.

Umuyobozi wa Edition Bakame akaba n'umwanditsi w'igitabo 'Akajangwe Buroho'

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 6 Ukuboza 2016
Copyright © 2009 -2014 - IGIHE Ltd - All Rights Reserved