00:00:00 IGIHE NETWORK KN KINYARWANDA EN ENGLISH FR FRANCAIS

Igitabo gishya cya Superman cyatangiye guteza umwuka mubi kubera ubutinganyi

Yanditswe na Uwiduhaye Theos
Kuya 2 Ugushyingo 2021 saa 07:48
Yasuwe :
0 0

Nyuma y’aho DC Comics yatangaje ko igiye gushyira hanze igice gishya cya Superman azagaragaramo akundana n’umuhungu mugenzi we cyiswe “Superman: Son of Kal-El” ntikivugweho rumwe; Polisi yafashe umwanzuro wo kurinda abari inyuma y’uyu mushinga bose kugira ngo batazahutazwa n’abafana barakaye.

TMZ yatangaje ko yahawe amakuru y’uko Polisi yo mu Mujyi wa Los Angeles yahawe inshingano zo kurinda ingo za bamwe na bamwe mu bari ku ruhembe rw’uyu mushinga n’ubundi basanzwe batuye muri uyu mujyi.

Ubu burinzi bw’umurengera bwaje nyuma y’aho hari benshi mu batarashimishijwe n’iki gitabo kizagaragaramo abaryamana bahuje ibitsina ndetse bamwe bakaba baroherereje impapuro z’ibikangisho bamwe mu bakoze kuri uyu mushinga.

Studio yakoze kuri iki gitabo yabwiwe n’abafana bamwe ko batashimishijwe no kuba kigiye kugaragaramo abaryamana bahuje ibitsina.

Abahanze iki gitabo gishya cyenda gusohoka bahisemo guhita bahamagara Polisi kugira ngo ikaze uburinzi bw’abakozi babo nabo ubwabo. Basabye guhozwaho ijisho mu ngo aho baba ndetse no kuri studio yatunganyije igitabo ubwayo aho iherereye.

Mu gice gishya cya Superman; Jon Kent, umuhungu wa Clark Kent na Lois Lane mu ruhererekane rw’ibitabo bya Superman, warazwe imbaraga za se mu gice gishya azaba akundana n’umunyamakuru Jay Nakamua. Uyu ni umuhungu mugenzi we.

Biteganyijwe ko aba bombi bazagaragara basomana mu gice gishya kizajya hanze ku wa 9 Ugushyingo 2021. Ubwo hatangazwaga igihe iki gice kizagira hanze, Umwanditsi wa Superman, Tom Taylor, yabwiye The New York Times ko yishimiye ko uyu munsi Superman agiye kugaragara mu yindi sura nshya.

Ati “Ikimenyetso cya Superman buri gihe kiba gihagarariye icyizere, ukuri n’ubutabera. Uyu munsi iki kimenyetso gihagarariye ikindi kintu kisumbuye kuri ibyo [aha yavugaga abaryamana bahuje ibitsina].”

Ibyiyumviro byo gutera akabariro bya Jon Kent ntabwo aricyo cyonyine cyavuguruwe bijyanye n’igihe. Mu gice gishya ‘Superman’ azakora imyigaragambyo yamagana iyimurwa ry’impunzi, ahagarika amasasu mu mashuri yisumbuye anagerageza kuzimya inkongi yateye ikibazo cy’ikirere.

Igitabo gishya cya DC Comics kigaragaramo ubutinganyi cyatangiye kuzana urunturuntu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .