Bruxelles: Gaël Faye yasogongeje benshi igitabo cye ‘Petit Pays’ mu Kinyarwanda

Yanditswe na Karirima A. Ngarambe
Kuya 19 Werurwe 2017 saa 05:08
Yasuwe :
0 0

Umwanditsi n’umuririmbyi Gaël Faye yamuritse muri iki cyumweru igitabo cye « Petit Pays » (Agahugu gato), cyashyizwe mu Kinyarwanda.

Kuwa 14 Werurwe 2017, uyu muhanzi nibwo yamurikiye iki gitabo cye mu nzu ndangamuco izwi ku izina rya ’Le Senghor’ mu mujyi wa Bruxelles mu Bubiligi. Abantu benshi bitabiriye kumva isomwa rya bimwe mu bice bikigize, n’igitaramo yafashijwemo n’umuhanzi Samuel Kamanzi uririmba anacuranga gitari .

Igitabo Agahugu gato" cya Gaël Faye nk’uko cyahinduwe mu Kinyarwanda na Olivier Bahizi Uwineza n’umusogongero wacyo wasomwe n’Umubiligikazi Tinne Kickens uvuga Ikinyarwanda, akagisoma adategwa.

Uretse mu Bubiligi, iki gitabo « Petit Pays » cyashyizwe mu Kinyarwanda cyanamurikiwe mu Rwanda muri Gashyantare 2017 mu gitaramo cyarimo na Madamu Jeannette Kagame.

Iki gitabo,“Petit Pays” (Agahugu gato) kivuga ku buzima bw’umwana wavukiye i Burundi abyarwa n’umunyarwandakazi w’impunzi n’umuzungu w’umufaransa wakoreraga i Burundi. Hanyuma uwo mwana akavuga uko yabonaga ubuzima bumeze muri icyo gihe, ibibazo by’amoko, Hutu na Tutsi.

Uwo mwana ufite hagati y’imyaka 10 na 15, aba yibuka uburyo ubuto bwe bwaje kwicwa n’ibibazo bya politike zo muri aka karere. Anavuga ku kibazo cyo kuvuka ku babyeyi badahuje uruhu.

Nyuma yaje guhungishirizwa i Burayi, ari nabwo yaje kubona ko kuba imvange bigoye, kuko haba I Burundi no mu Burayi, hose abantu baho bamufataga nk’umunyamahanga.

Amaze gukura yiyemeje kugaruka muri Afurika kuko niho byibuze yumvaga ari iwabo. Mu byatumye yumva yigaruriye icyizere ni ugukunda gusoma no kwandika.

Rwanda Arts Initiative iyoborwa na Dorcy Rugamba yafashije Gaël Faye gushyira mu Kinyarwanda iki gitabo cyamaze kwamamara mu rurimi rw’igifaransa cyanditswemo mbere. Ariko umwanditsi wacyo aheruka gutangariza IGIHE ko yifuza ko cyazashyirwa mu ndimi zigera muri 28.

Umubiligikazi Tinne Kickens uvuga Ikinyarwanda, akagisoma adategwa niwe wasomye umusogongero wa « Petit Pays » (Agahugu gato)
Bamwe mu bitabiriye imurikwa ry'igitabo « Petit Pays » (Agahugu gato)
Umwanditsi n’umuririmbyi Gaël Faye ashimira Umubiligikazi wasomye umusogongero wa « Petit Pays » (Agahugu gato)
Gaël Faye yanataramiye abitabiriye kumurika igitabo cye afashijwe n'umuririmbyi Samuel Kamanzi

Indi nkuru bifitanye isano: 1.Igitabo cya Gaël Faye, “Petit Pays” (Agahugu gato) cyashyizwe mu Kinyarwanda

2. Madamu Jeannette Kagame yitabiriye igitaramo Gaël Faye yamurikiyemo ibigize igitabo ‘Petit Pays

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza