Kwamamaza

Amwe mu mateka y’inkweto kuva hambere kugeza ubu

Yanditswe kuya 25-10-2016 saa 07:14' na Karirima A. Ngarambe


Kuva kera inkweto ni umwambaro kenshi werekanaga icyiciro cy’imibereho umuntu abarizwamo (statut social), gusa nyuma wabaye umwambaro ujyana n’ibigezweho mu kurimba.

Amateka y’inkweto uko ibihe byagiye bisimburana mu binyejana bitandukanye, agaragaza ko mu 7000 mbere y’ivuka rya Yezu, hambarwaga inkweto bita ’Sandales’ zidafunze zabaga zikozwe mu bikoresho bitandukanye cyane mu ruhu.

I Roma ho mu gihe cya kera wasangaga Sandales zitandukanya abantu baho n’ababaga batwawe bunyago mu bucakara, kuko bo batari bemerewe kwambara inkweto.

Mu myaka yo hambere bambaraga inkweto za Sandales zikozwe mu ruhu cyangwa mu mababi y'ibihingwa

Nyuma ariko byaje guhinduka, aho kwerekana uko bantu barutana mu bukungu inkweto zihuzwa n’bijyanye n’imideli zigaherekezwa n’imyambaro myiza yiyubashye.

Mu kinyejana cya 13 inkweto zahinduye isura hagerwaho izifite izuru risongoye, aho uwambaye iz’ubwo bwoko yabaga ari mu cyiciro cy’abakungu, Umwami we akaba yarambaraga urusongoye cyane kurusha abandi.

Uko imyaka yagiye yigira imbere, hasohotse izindi nkweto zari zisongoye imbere

Mu kinyejana cya 20 nibwo hatangiye gukorwa inkweto z’ubwoko bwinshi butandukanye ku isura n’ibindi.

Mu 1908 mu mateka y’inkweto nibwo hamenyekanye cyane ubwoko mu Rwanda bitaga Pantufure buzwi ku izina rya ’Converse’. Mu myaka ya 1940 hakozwe bwa mbere inkweto bita ’godillots’ zifite munsi hameze nk’ipine y’imodoka zikunzwe gukoreshwa mu kazi gakomeye cyangwa mu gisirikare.

Mu 1950 hatangiye kugaragara inkweto zifite talo (talons) ndende, mu gihe mu 1960 hakozwe izamenyekanye cyane ku izina rya ’Dr Martens’.

Mu iduka Chaussures Luxus rikomeye mu Bubiligi, tweretswe ubwoko bushya bw’inkweto bwasohotse uyu mwaka (nouvelle collection 2016-2017).

Amafoto

Inkweto z’abagabo

Zimwe mu nkweto z'abagabo zasohotse muri uyu mwaka
Iyi nkweto ushobora kuyikorana siporo

Inkweto z’abagore

Inkweto z'abagore zigezweho ni izifite talon ndende
Ahanini muri iki gihe inkweto zisigaye zijyanishwa n'uburyo bw'imyambarire
Iduka ryo mu Bubiligi ricuruza inkweto z'ibitsina byombi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved