Kwamamaza

Mu Rwanda hageze ibyuma bishya bipima ababyeyi batwite

Yanditswe kuya 28-06-2012 saa 18:10' na Jotham Ntirenganya
     


Sosiyete ya Philips yazanye ibyuma by’ubuvuzi mu Rwanda, bizajya bireba mu nda y’umubyeyi bikamenya uko umwana amerewe, nkuko babyerekanye kuri iyi tariki ya 28 Kamena 2012 I Kigali.
Ibi byuma kandi bishobora kureba ingingo z’umubiri w’umuntu uko zakabaye harimo impyiko,umutima,igifu, n’amara kandi mu kanya gato bityo bigatuma muganga avura indwara yabonye neza.
Ubusanzwe, Philips ikora ibikoresho by’ikorana buhanga birimo: amapasi, televiziyo, n’ibindi byinshi ariko ikagira n’agashami (...)

Sosiyete ya Philips yazanye ibyuma by’ubuvuzi mu Rwanda, bizajya bireba mu nda y’umubyeyi bikamenya uko umwana amerewe, nkuko babyerekanye kuri iyi tariki ya 28 Kamena 2012 I Kigali.

Ibi byuma kandi bishobora kureba ingingo z’umubiri w’umuntu uko zakabaye harimo impyiko,umutima,igifu, n’amara kandi mu kanya gato bityo bigatuma muganga avura indwara yabonye neza.

Ubusanzwe, Philips ikora ibikoresho by’ikorana buhanga birimo: amapasi, televiziyo, n’ibindi byinshi ariko ikagira n’agashami gashinzwe ubuvuzi ari nako kazanye biriya byuma by’ubuvuzi mu Rwanda.
Martien Druiven uyobora ako gashami ka Philips muri aka karere, yavuze ko bafite gahunda yo kwereka abaganga aho ikoranabuhanga mu buvuzi rigeze, kandi Philips irashaka gufasha ibihugu byo muri Afurika kugabanya umubare w’abana bapfa bavuka, ndetse n’uw’ababyeyi bapfa babyara nk’uko biri mu ngingo ya 4 n’iya 5 mu ntego z’ikinyagihumbi.

Ni muri ubwo buryo Philips yari imaze iminsi 2 ihugura abaganga batandukanye ari nako ibereka imikorere y’ibi byuma, mu bitaro bya gisirikare by’u Rwanda.

Ulrich Klaus yagize ati:”Ibi byuma biroroshye kubikoresha n’ubwo bikora umurimo w’akataraboneka, mbese n’umujyanama w’ubuzima yabyize yashobora kubikoresha akamenya uko umwana ameze munda ya nyina”.Yongeraho ati:”Ibi byuma bikoresha akariro gake, ntibishyuha cyane kandi ishusho y’umwana uri munda iboneka neza cyane”.

Ubu rero mu gihe Philips itegereje kubonana na Minisitiri w’ubuzima kugirango yemeze ko u Rwanda rwatunga ibi byuma, Martien Druiven yongeye ho ati:” Byaba byiza ibi byuma bigeze mu gihugu hose kuko aho twabigejeje hose byagabanije umubare w’impfu z’abana n’ababyeyi”.

Ulrich Klaus nawe kandi yongeraho ko gukoresha ibi byuma bidasaba
gusa uwize ubuganga, kuko umujyanama w’ubuzima nawe yabikoresha kugirango yereke muganga ishusho y’umwana uri munda abone kumenya ubufasha azaha umubyeyi igihe azaba aigye kubyara.
Yongeraho ati: “Wifashishije ibi byuma ushobora kumenya ko umubyeyi atwite umuhungu cyangwa umukobwa, kumenya ko umwana ameze nabi mu nda, ari nayo mpamvu bifuzako abajyanama b’ubuzima bajya bakoresha ibi byuma, uwo babonanye ikibazo akoherezwa mu bitaro hakiri kare”.

Iyi sosiyete ya Philips igira kandi ibikoresho byo mu buvuzi bitandukanye, igatanga amahugurwa ku baganga, igashaka imiti ku ndwara ziba zitaramenyekana cyane ku baganga, kandi cyane bibanda kubana n’ababyeyi, ibaha ibyabafasha igihe batwite, babyara, no kuvura impinja zabo, ndetse no kubungabunga ubuzima igihe umubyeyi ava mu rugo ajya kubyarira kwa muganga.

Ubusanzwe abana bapfa bavuka bageze kuri Miliyoni 8 buri mwaka nkuko Druiven abivuga, ari nayo mpamvu iki kibazo bifuje ku kirandura bafatanije n’ibihugu byo muri Afurika.

Ibi byuma bishya byaje mu Rwanda kandi byatangiye gukoreshwa mu Burayi umwaka ushize, bisimbuye ibindi byavuguruwe, kugirango bijyane n’igihe.

Ulrich Klaus yavuze ati:” Ibi byuma tuzanye bishobora kumara imyaka 10 nta kibazo bigize, kandi iyo bipfuye umuganga ashobora kubikora ubwe, aramutse atabishoboye nabwo agomba kubicomeka kuri internet tukabikora turi mu mahanga, ntibimutware itike y’umukozi cyangwa ngo bimugore abyikorera agana mu mahanga”.

Tumenye Philips Electronics

Philips Electronics ifite ikicaro gikuru muri Buholandi (NYSE: PHG, AEX: PHI) ikaba ari sosiyete yita ku buzima, igakora n’ibikoresho bikenerwa mu buzima bwa buri munsi hifashishijwe udushya ikunze guhanga.

Nk’ikigo cyubatse izina mu buvuzi n’uburyo bw’imibereho y’abantu, gikoresha ikorana buhanga ryo hejuru. Philips kandi izwiho no kugurisha ibikoresho by’amatara ku rwego mpuzamahanga.
Ibi byose kandi ibikora igamije kuzanira buri wese imibereho myiza ,imyidagaduro, binyuze mu buryo bworoheye buri wese.

Philips ifite abakozi 122,000 mu bihugu birenga 100, kandi mu mwaka wa 2011 yabashije kubona miliyari 22.6 z’amayero yaturutse mu bucuruzi bw’ibyo yakoze.

Iyi sosiyete niyo ya mbere ku Isi mu gufasha abarwayi b’umutima, indwara z’ibikatu, ibikoresho bitanga umuriro, ikagira n’ibikoresho byifashishwa mu ngo mu buzima bwa buri munsi.

Philips yashinzwe mu mwaka w’1891, ni ubwa mbere igeze mu Rwanda izanywe n’ubuvuzi n’ubwo imaze imyaka 60 ikorana n’u Rwanda.
Muri Afurika imaze kugirana ubufatanye na Kenya, Misiri, Maroc, igiye kwerekeza no mu gihugu cya Uganda.

IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
IBITEKEREZO
Join Us

Socialize with Us
Contacts

Location: Ndamage Building 4th floor
P.O Box: 3477 Kigali- Rwanda
Phones:
+250 788 74 29 08, +250 788 49 69 15, +250 725 94 66 08
Email:
[email protected], [email protected]

Website Developped by

Uru Rubuga Ruheruka Gushyirwaho Amakuru Mercredi 5 Février 2014 Saa 17:33:27
Copyright © 2009 -2014 - IGIHE Ltd - All Rights Reserved