Kwamamaza

Minisante yemeje ko nta Cholera ikiri mu Karere ka Rubavu

Yanditswe kuya 6-08-2016 saa 09:06' na Cyprien Niyomwungeri


Mu byumweru bibiri bishize abantu 60 bo mu Karere ka Rubavu bagaragayeho icyorezo cya Cholera abandi batatu bicwa nacyo, ibi byatumye hashyirwaho inkambi y’abayirwaye mu Murenge wa Kanama no kubavura byihuse kugirango badakomeza kwanduza abandi.

Minisiteri y’Ubuzima iratangaza ko izo ngamba zabyaye umusaruro kuko abari barwaye bose bavuwe bagakira.

Umuvugizi w’iyo Minisiteri, Malik Kayumba, yabwiye The New Times ko igisigaye ari ubukangurambaga mu baturage bwo kwirinda ko iyi ndwara kimwe n’izindi.

Yagize ati “Ubu abari barwaye bose baravuwe, dukomeje ubukangurambaga bwo kwirinda izindi ndwara z’ibyorezo, kandi iki kirashoboka. Buri wese wagaragayeho ibimenyetso yavuwe neza kandi abenshi bameze neza bemerewe no gusubira mu miryango yabo.”

Yongeraho ko Minisiteri y’Ubuzima n’abayobozi b’inzego z’ibanze barimo gukora cyane ngo bahagarike icyo cyorezo binyuze mu bukangurambaga bwo kongerera abaturage ubumenyi bw’uko bakwirinda.

Yagize ati “ Minsiteri y’Ubuzima, RBC, Polisi n’inzego z’ibanze barakorana mu kongerera ubumenyi abaturage bw’uko bakoresha amazi meza, gukaraba intoki, no kugana ahatangirwa serivisi z’ubuzima mu gihe bahuye n’ikibazo icyo aricyo cyose.”

Imirenge ya Kanama, Nyakiriba na Nyundo yari yashyizwe mu kato, nyuma haza gusigara Kanama gusa. Ahantu hacururizwa ibiribwa n’inzoga muri uwo Murenge harahagaritswe, hirindwa ko hagira abakomeza kwanduza abandi.

Gushyiraho inkambi byatumye ibijyanye no gucuruza bikomeza, ariko ibicuruzwa nk’amata bikajya bibanza gupimwa.

Cholera ni indwara iterwa no kurya cyangwa kunywa ibyanduye, birimo agakoko kitwa Vibrio cholerae.

Uyirwaye arangwa no kuruka, gucibwamo, ndetse no gutakaza amazi menshi mu mubiri ku buryo iyo atavuwe neza kandi vuba ashobora no gupfa.

Ahari hashyizwe inkambi y'abanduye Kolera mu Karere ka Rubavu

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved