Dr Kintu, umuganga wemeza ko akora ku bafite uburemba rikaka

Yanditswe na Thamimu Hakizimana
Kuya 11 Mutarama 2017 saa 07:50
Yasuwe :
0 0

Uko haduka indwara zitandukanye zibasira abantu hirya no hino ku isi ni nako ubushakashatsi n’ubuhanga mu buvuzi birushaho gukataza kugira ngo ubuzima bwabo bubungabungwe.

Kuva hambere ariko abantu bari bafite uburyo babasha kwivura bakoresheje uburyo gakondo burimo imiti ikomoka ku bimera,imihango cyangwa imigenzo bitandukanye n’uko bimeze ubu aho ubuvuzi bwa kizungu bumaze gutera indi ntambwe.

Bumwe mu buryo bwa gakondo bwakoreshwaga hambere busa n’ubwigaragaza n’ubu ariko usanga bunozwa kuko hari n’ababyiga mu mashuri ndetse bakanaminuza.

Dr Kintu Muhammed,ni umwe mu baganga bavura indwara y’uburemba, uvuga ko abamugannye bafite icyo kibazo abakoraho rikaka.

Uburemba ni ubushobozi buke bwo gukora imibonano mpuzabitsina kuko ku mugabo igitsina cye kitabasha gufata umurego mu buryo buhagije cyangwa kikaba kitabasha gufata umurego na mba, mu gihe ku mugore ikibazo cyigaragaza mu kubura ubushake cyangwa yakora imibonano mpuzabitsina ntibigire icyo bimubwira(ntanyurwe).

Mu kiganiro yagiranye na IGIHE, Dr Kintu yavuze ko akoresha imiti ikomoka ku bimera ndetse n’uburyo bw’iyakuramyakura(reflexology) agakangura imitsi iba yarasinziriye ngo kuko ari yo ituma abagabo bacika intege mu gihe cyo gutera akabariro.

Kubwe, iyi ndwara ishobora kuvukanwa cyangwa umuntu akaba yayirwara nyuma bitewe n’imibereho ye mu buzima bwa buri munsi.

Nubwo benshi bibaviramo kwiheba biturutse ku ngaruka bushobora kubagiraho, uyu muganga avuga ko ari ibintu bivurwa ndetse bigakira mu gihe gito.

Dr Kitu ati “Umuntu ashobora kugira uburemba kubera ko imyanya myibarukiro ye idakora neza nyamara mbere yarakoraga, cyangwa itarigeze ikora na rimwe; uwo njye muvura nkoresheje inzira yo gukangura ingingo zidakora zikongera zigakora neza.”

“ Kuvura abantu nk’abo bisaba kubakorera iyakuramyakura mu kirenge bitewe n’uko imitsi ya buri muntu ihurira mu kirenge no mu biganza bye.”

Ngo iyo yakiriye umuntu, nyuma y’umunsi umwe atangira kubona impinduka maze hamwe no kumukurikirana mu byumweru bibiri akaba yamaze kugira impinduka zifatika.

Dr Kintu Muhammed afite impamyabushobozi yakuye muri The School of Natural Health Sciences, iherereye mu Bwongereza.

Hashize imyaka 11 akorera mu Rwanda ubu buvuzi, akaba akorera no mu bindi bihugu birimo Zambia, Uganda na Tanzania.

Mu gihe amaze muir aka kazi avuga ko abagabo 80 yakiriye n’abagore 30 bamaze kumuha ubuhamya ko batagihura n’ikibazo mu bijyanye n’imibonano mpuzabitsina.

Dr Kintu Muhammed wemeza ko avura indwara zirimo n'uburemba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244