Kwamamaza

Burundi: Malariya iravuza ubuhuha, abarenga 300 bapfa buri kwezi

Yanditswe kuya 2-09-2016 saa 13:36' na Emma-Marie Umurerwa


Abantu barenga 10 bicwa n’indwara ya malaria buri munsi, mu mezi umunani ashize y’umwaka wa 2016 bivuga ko abantu barenga 300 bicwaga n’iyi ndwara buri kwezi.

Kuva mu ntangiriro z’umwaka wa 2016 kugeza ubu, abantu barenga miliyoni enye bafashwe n’indwara ya malariya hafi 40% by’Abarundi bose. Muri abo ibihumbi 2.500 barapfuye, bivuze ko buri kwezi malariya yica abantu barenga 300, abarenga 10 buri munsi.

BBC dukesha iyi nkuru ivuga ko iyi mibare iri hejuru cyane, ugereranije no mu mwaka ushize kuko imibare yo mu mezi umunani y’umwaka wa 2016 ingana n’imibare yose yo mu mwaka wa 2015.

Mu Burundi malariya ni yo yica abantu benshi kuruta izindi ndwara zose.

Iyi mibare yatangajwe n’umuvugizi wa Minisiteri y’Ubuzima, Dr Thadée Ndikumana mu kiganiro yagiranye n’abanyamakuru, ari kumwe n’uhagarariye World Vision, rimwe mu mashyirahamwe ategamiye kuri Leta rifasha iyo Minisiteri kurwanya indwara ya malariya.

Dr Thadée Ndikumana, avuga ko maraliya yiyongera cyane kabiri mu mwaka, hagati y’ukwezi kwa Kane, ukwa Gatanu, no hagati y’ukwezi kwa 11 n’ukwa 12.

Mu ngamba Minisiteri y’Ubuzima yafashe, harimo gutera imiti yica umubu mu ngo, gushishikariza abaturage kwirinda no kwivuza hakiri kare, ikindi kandi ngo mu mwaka utaha wa 2017 hazatangwa inzitiramubu mu gihugu hose, igikorwa cyaherukaga mu mwaka wa 2014.

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 1 Ukwakira 2016
Copyright © 2009 -2014 - IGIHE Ltd - All Rights Reserved