2012-2016: Ibitaro bya Butaro byakiriye abagore 1346 barwaye kanseri y’ibere

Yanditswe na Kanamugire Emmanuel
Kuya 7 Ugushyingo 2016 saa 09:40
Yasuwe :
0 0

Ikigo Nyarwanda cyita ku mibereho myiza(SFH), Minisiteri y’Ubuzima na Access Bank bateguye igikorwa cyo gusuzuma abagore kanseri y’ibere, mu rwego rwo guhangana na yo nk’imwe mu zica abagore benshi mu Rwanda nk’uko imibare ya Minisiteri y’Ubuzima ibigaragaza.

Abazasuzumwa ni abafite guhera ku myaka 35 y’amavuko kuzamura, kuko ngo aribo ikunze kwibasira.

Mu kiganiro izo nzego zagiranye n’abanyamakuru ku wa Mbere tariki ya 7 Ugushingo 2016, zatangaje ko icyo gikorwa giteganyijwe ku wa Gatanu tariki ya 11 uku kwezi.

Dr Uwinkindi François, Umuyobozi w’ishami ryo kurwanya kanseri mui RBC, yavuze ko hari abagiye basanganwa iyo ndwara, agira inama abagore muri rusange bafite kuva ku myaka 35 kuyisuzumisha.

Yavuze ko kuva mu 2012 kugera muri 2016, abagore bagera ku 1346 basanze barwaye iyo ndwara bisuzumishije ku bitaro bya Butaro biherereye mu karere ka Burera.

Iyo ndwara ngo isanga ihitana benshi batuye mu bihugu bikennye, kuko mu bihugu byateye imbere usanga abagore 80% by’abayirwaye bavurwa igakira, mu gihe mu bihugu bikiri mu nzira y’amajyambere birimo n’u Rwanda, usanga bageze kuri 40%.

Umuyobozi w’ishami rishinzwe indwara zitandura mu kigo cy’igihugu gishinzwe ubuzima(RBC), Dr Muhimpundu Aimée yavuze ko kanseri ari imwe mu ndwara zica abanyarwandakazi benshi akaba ari yo mpamvu bahisemo kuyisuzuma.

Yavuze ko kwisuzumisha hakiri kare iyo ndwara iyo ndwara bituma umuntu amenya uko ahagaze, yaba anayirwaye akagirwa inama z’uko yayivuza, yaba itaranarengeranye akaba yayivuza igakira.

Ati “Ni imwe mu zo abari n’abategarugori barware cyane, kandi zikabahitana. 80% barwaye iyi kanseri mu bihugu biri mu nzira y’amajyambere irabahitana.Uko tubigisha bakaba babasha kwisuzumisha hakiri kare byongerera umuntu amahirwey’uko asanzwe yarayanduye ashobora kubona ubufasha, mu Rwanda turacyubaka ubushobozi bwo kugira ngo tubashe kuzivura.”

Umuyobozi wa SHF, Gihana Manasseh Wandera yavuze ko bateguye icyo gikorwa mu rwego rwo guhuza ubumenyi n’ubunararibonye bagenda bagira kugira ngo bagere ku musaruro mwiza wo kurengera ubuzima.

Ibimenyetso by’iyo ndwara birimo kugira akabyimba mu ibere, rigasa n’irihisha naho
uburyo bwo kuyirinda burimo kurwanya umubyibuho, gukora siporo, kwisuzumisha kare no kwirinda kunywa inzoga nyinshi.

Umuyobozi wa SHF, Gihana Manasseh Wandera
Umuyobozi w’ishami rishinzwe indwara zitandura mu kigo cy’igihugu gishinzwe ubuzima(RBC), Dr Muhimpundu Aimée

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244