Kunywa amata bishobora gutuma umugore adacura imburagihe

Yanditswe na Tombola Felicie
Kuya 4 Nyakanga 2017 saa 01:46
Yasuwe :
0 0

Amata ni ikinyobwa ntagererwanywa kibamo imyunyungugu iri ku rwego rwo hejuru ndetse na Vitamini D zirinda igitsina gore gucura imburagihe nk’uko ubushakashatsi bwakozwe n’abanyamerika bubisobanura.

Gucura imburagihe (ménopause précoce) bivugwa igihe umugore ahagaritse kujya mu mihango mbere y’imyaka 45, iki kibazo kibasiye abagera ku 10% by’abagore ku Isi. Usanga kiba cyaratewe n’indwara zitandukanye cyane cyane izituruka ku ndwara z’umutima, ikibazo cy’indwara z’igikanka n’ibindi bitandukanye.

Inkuru y’urubuga topsante igaragaza n’izindi mpamvu abashakashatsi babonye zishobora guteza gucura imburagihe ariko basanze gukunda kunywa amata cyane bishobora kugabanya ibyo byago.

Ni ubushakashatsi bwakorewe muri kaminuza ya Massachussets muri Leta Zunze Ubumwe za Amerika maze bukorerwa ku bagore 120,000 bari hagati y’imyaka 25 na 49.

Basanze abari bafite imyungungugu (calcium) iri hejuru ya 13% bari bahagaze neza ku buryo batari bafite ibyago byo gucura imburagihe nk’abari bari munsi y’icyo kigero.

Ubwo bushakashatsi bwanagaragaje ko abafite Vitamini D iri ku kigero cyo hejuru bayikomora mu byo kurya bafata by’umwimerere bibasha kubagabanyirizaho 17% by’ibyago byo gucura imburagihe.

Imyunyungugu na Vidamini D biba byokorewe mu nganda bikongerwamo ubwo bushobozi ngo nta kamaro bigira mu kuba byahagarika ugucura kw’imburagihe ku mugore.

Abo bashakashatsi bagiye babipima inshuro nyinshi buri myaka ine batanga impapuro bakagenda babaza ibibazo bitandukanye, basanga iyo myunyungugu na Vitamine D byo mu nganda ntaho bihuriye n’iby’umwimerere biboneka cyane mu mata.

Basanze kubura iyo myunyungugu na Vitamine D bifitanye isano indwara zituma umugore atororoka, ukubura k’ururenda ruba imbere muri nyababyeyi ndetse n’ibimenyetso bigaragara ku bagore mbere y’uko bajya mu mihango n’ibindi.

Aho niho bahereye bemeza ko umuntu unywa amata kenshi ko aba afite iyo myunyungugu ndetse na Vitamin D adapfa gucura imburagihe.

Ni ubwa mbere abashakashatsi bari bagaragaje isano yo kororoka k’umugore iri hagati yo gufata imyunyungugu ihagije na Vitamine D biboneka mu mafunguro nk’amata.

Baragagaje ko abantu bakwiye kwita ku gufata iyo myunyungugu y’umwimerere kurenza uko bafata iba yarongerewe mu biribwa cyangwa ibinyobwa kuko byo ntacyo bimara kuri icyo kibazo.

Ubwo bushakashatsi bwasohotse mu kinyamakuru cyo muri Amerika cyandika ku bijyanye n’imirire.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza