Imwe mu myitozo ngororamubiri yagufasha kutananirwa wicaye mu ndege

Yanditswe na Ndayikunda Josué
Kuya 13 Nyakanga 2019 saa 12:40
Yasuwe :
0 0

Urugendo rw’indege ruri muri zimwe zivuna abazikora cyane ko bicara umwanya utari muto kandi bari mu kirere. Nubwo hari benshi batekereza ko iyo uri mu rugendo rw’indege utananirwa, ariko ntabwo ari ko bimeze.

Ku bantu bakunze kugendera mu ndege, iyi ni imyitozo ngororamubiri 10 ushobora gukora mu gihe wicaye, bikakurinda umunaniro cyangwa guhinamirana kwa hato na hato.

-Kuzunguza intugu mu gihe wicaye

Niba wicaye mu ndege, zunguza intugu uzijyana imbere, inyuma hasi ndetse no hejuru kandi ubikore buhoro buhoro. Ibi bizakurinda umunaniro waterwa no kwicara igihe kirekire.

-Kuzunguza amaboko

Kugira ngo amaboko yawe arambuke biyarinde no kunanirwa, shinga inkokora ku ntebe wicayeho ubundi uzamure ukuboko n’ikiganza hafi yo mu gituza. Ukuboko ugenda ukuzamura ndetse unakumanura ukabikora byibuze amasegonda 30.

-Rambura amaboko agere ku maguru

Mu gihe wicaye mu ndege, sa n’uwunama ubundi umanure amaboko yawe yombi agere ku birenge. Wunama byibuze amasegonda 15 bikagufasha kunanura umugongo ndetse n’amaboko yawe yombi.

-Zamura ibiganza ubishyire ku mutwe

Uri mu rugendo wicaye mu ndege, gerageza kuzamura ibiganza byawe byombi ubishyire hejuru y’umutwe, ubundi ujye uzunguza iburyo n’ibumoso. Ibi ugomba kubikora byibuze amasegonda 15.

-Zunguza ijosi ryawe

Mu gihe wamaze kugorora intugu, ushobora kuzunguza n’ijosi ryawe impande zose, ukaba wamanura igice cyo ku gutwi ukagikoza ku rutugu. Ushobora kandi kumanura akananwa ukagakoza mu gituza. Ibi ushobora kubikora amasegonda atanu kuri buri ruhande uzungurijeho ijosi.

-Nyeganyeza utugombambari

Mu gihe wicaye, zunguza akagombambari kawe iburyo n’ibumoso ubikore ku maguru yombi byibuze amasegonda 15 kuri buri kaguru. Ibi bizagufasha kwirinda guhinamirana kw’amaguru kubera uba wicaye igihe kitari gito.

-Nyeganyeza ibirenge

Zamura ibirenge byawe hejuru unabimanura ariko agatsinsino kagume gafashe hasi, ubikore amasegonda 30.

-Koza ivi mu gituza

Shyira amaboko yawe ku ivi ubundi uzamure ivi ryawe ujye urikoza mu gituza unarimanura, ubikore inshuro 10.

-Zamura amavi

Ibi ubikora amaboko yawe adafashe ku mavu nkuko twabibonye hejuru. Amaboko uyarambura ku ntebe ubundi ukajya uzamura ivi rimwe hejuru ugahindura n’irindi ukabikora inshuro hagati ya 20 na 30.

-Hina umugongo

Kwicara igihe kinini bituma umugongo unanirwa. Icyo ukora iyo uri mu ndege uhina umugongo maze igihimba ugasa n’ucyerekeza imbere. Ibi bizagufasha kuruhura umugongo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza