Kwamamaza

Icyizere kidasanzwe ku bagabo bifuza kuboneza urubyaro hakoreshejwe inshinge

Yanditswe kuya 28-10-2016 saa 16:13' na Rabbi Malo Umucunguzi


Umusemburo wageragezwaga ngo ujye uterwa abagabo bakenera kuboneza urubyaro, ibipimo byagaragaje ko utanga icyizere kandi nta mpungenge zikomeye ugira ku buzima, nk’uburyo bwizewe bwafasha abagabo mu kuboneza urubyaro.

Ikigo cy’Ubushakashatsi muri Leta Zunze Ubumwe za Amerika cyagaragaje ko uwo musemburo ukora 96%, kuko mu bagabo 274 bageragerejwe, bane bonyine aribo bashoboye gutera inda abo baryamanye.

Guttmacher Institute yo muri Leta Zunze Ubumwe za Amerika igaragaza ko hakenewe uburyo bwizewe bwo kuboneza urubyaro ku bagabo, kuko nko mu 2012, 40% by’inda zatewe ku Isi hose zitari ziteganyijwe.

Muri ubu bushakashatsi bwasohotse muri Journal of Clinical Endocrinology & Metabolism, ikigo Endocrine Society kigaragaza ko abagabo bakoreshwemo bagiye baterwa miligarama 200 z’umusemburo witwa Norethisterone Enanthate (NET-EN) na miligarama 1 000 za Testosterone Undecanoate (TU) mu byumweru 26, hagamijwe kugabanya umubare w’intanga umubiri ukora.

Kuko abagabo bakora intanga nyinshi kandi mugihe gito, ngo hari hakenewe uburyo bw’imisemburo ikomeye yagabanya ikorwa ryazo zikajya munsi y’igipimo gisanzwe, kuko zishobora kugera muri miliyoni 15 kuri mililitiro, zikaba zagera munsi ya miliyoni imwe muri mililitiro y’amasohoro.

Ubu bushakashatsi bwakorewe ku bantu bafite hagati y’imyaka 18-45 buri umwe afite umugore, kandi abo bashakanye babanza kwemera ko bikorwa.

Mbere y’ubushakashatsi ibipimo by’intanga zabo byarafashwe harebwa niba imibiri yabo ikora intanga mu buryo busanzwe, bagenda baterwa imisemburo ibiri buri byumweru umunani, ubundi bakurikiranwa hejuru y’amezi atandatu kugeza ubwo intanga zabo zageze munsi ya miliyoni.

Abagabo basuzumirwagaho ubu buryo basabwe gukoresha izo nkingo gusa mu kuboneza urubyaro, mu gihe kigera ku mwaka ubushakashatsi bwamaze, ndetse nyuma yo guhagarika inshinge ngo harebwe ko intanga zabo zongera gukorwa bisanzwe, nyuma y’umwaka umwe basanga abagabo umunani nibo byari bitarasubira ku murongo.

Dr Mario Philip Reyes Festin ukora mu ishami ry’Umuryango w’Abibumbye ryita ku buzima i Geneva, wayoboye ubu bushakashati, yagize ati “Ubushakashatsi bwagaragaje ko bishoboka kugira uburyo bwo kuboneza urubyaro ku bagabo binyuze mu misemburo, bikagabanya imbyaro zitateguwe ku bashakanye.’’

Gusa mu 2011 ubushakashatsi nibwo bwahagaritse kwifashisha abandi bantu nyuma y’impungenge zagaragajwe zirimo kwiyumvamo intege nke mu bitekerezo ku bagabo, guhindagura uko umuntu yiyumva, kubabara imikaya imwe n’imwe cyangwa kuzana uduheri.

Ibyo byatumye abagabo 20 bahita bivana mu bushakashatsi, Dr Festin akavuga ko hari kurebwa uko hahindurwa ibipimo by’imisemburo iterwa umuntu kugira ngo barebe igihinduka.

Ati "Iyi ni intambwe itewe mu rugendo rurerure rwo gushakisha umusemburo uhurijwe hamwe wafasha bagabo kuboneza urubyaro.’’

Iyi nyigo kandi yagaragaje ko 75% by’abagabo bakoreweho ubushakashatsi, bagaragaje ko bashobora kubugira uburyo bubafasha kuboneza urubyaro, mu buryo buhoraho.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved