Ese Siyansi ivuga iki kuri kamere yo gucana inyuma mu bashakanye?

Yanditswe na Iradukunda Serge
Kuya 22 Ugushyingo 2019 saa 08:25
Yasuwe :
0 0

Kuba umuntu muri kamere ye yaba avukana ingeso yo guca inyuma uwo bashakanye ni ingingo itavugwaho rumwe kuko abantu bumva ko ashobora kubiterwa n’uburyo yakuze n’ibyo yatojwe kuruta uko yabivukana.

Benshi mu babona ingingo yo gucana inyuma nk’ikibazo bashingira ku muco, idini na kirazira zitandukanye kuko siyansi ivuga ko umuntu ataremye mu buryo bwo kugira umugore cyangwa umugabo umwe.

Umwarimu muri Kaminuza ya Washington, Pepper Schwartz, aganira n’ikinyamakuru ‘LiveScience’ yavuze ko mu miterere ya muntu n’uburyo aremye atari inyamaswa yaremwe mu buryo bwo kugira ingabo imwe cyangwa ingore imwe zimwe zibigenza.

Yagize ati “Sintetekereza ko turi inyamaswa zikora imibonano na ngenzi yayo imwe gusa, inyamaswa iteye gutya gusa ni inyoni yitwa ‘goose’ kuko idashobora kugirana umubano wihariye n’indi kabone n’igihe iyayo yaba yarapfuye.”

Abahanga bavuga ko umuntu muri kamere ye atandukanye n’izindi nyamaswa ziremye mu buryo zidashobora guca inyuma ngenzi zazo kabone n’ubwo zaba zimaze igihe kinini zipfuye harimo inkima, ibirura n’izindi.

Abandi bahanga babona iyi ngingo kimwe na Schwartz ni David Barsh na Judith Lipton aho mu gitabo cyabo bise ‘‘The Myth of Monogamy: Fidelity and Infidelity in Animals and People’ bavuga ko kuba imiterere y’inyuma ku mubiri w’umuntu ari kimwe n’izindi nyamaswa na we bituma muri kamere ye umuco w’ubudahemuka umugora kuko atawuremanywe.

Ati “Kubera ko muntu ari inguge itagira ubwoya bwinshi (uko agaragara, bitari mu buryo bwa roho) bituma nawe arangwa no gucana inyuma.”

David na Lipton bongeyeho ko kuba muntu afite ubwenge bumutandukanya n’izindi nyamaswa bimuha ubushobozi bwo kubahiriza amasezerano aba yagiranye n’uwo bashakanye nk’uko yubahiriza ay’akazi ndetse akaba yarwanya kamere aremyemo igihe aribyo yiyemeje.

Ubushakashatsi bugaragaza ko abagabo 20% baca inyuma abagore babo, mu gihe abagore 15% biganjemo abize ari bo baca inyuma abagabo babo.

Urundi ruhande rwa Siyansi cyane cyane urujyanye n’imitekerereze rugaragaza ko kamere yo guca inyuma uwo mwashakanye ituruka mu bindi bijyanye n’imitekerereze y’umuntu nko kwikunda, gukunda amafaranga no kutanyurwa bitewe n’uko yarezwe kuko iyi ni imwe mu mico umuntu atavukana.

Hari aho Siyansi igaragaza ko kamere yo guca inyuma uwo mwashakanye ituruka mu bindi bijyanye n’imitekerereze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza