00:00:00 IGIHE NETWORK KN KINYARWANDA EN ENGLISH FR FRANCAIS

Abasaga ibihumbi 17 mu Rwanda bagirwaho ingaruka no gukuramo inda mu buryo bwa magendu

Yanditswe na Thamimu Hakizimana
Kuya 20 Gicurasi 2021 saa 04:09
Yasuwe :
0 0

Impuguke mu buzima bw’imyororokere zitangaza ko buri mwaka abagore bagera ku bihumbi 17 bahura n’ingaruka zo gukuramo inda mu buryo bwa magendu aho bakirwa mu bitaro n’amavuriro ngo bahabwe serivisi y’ubutabazi bwihuse.

Byatangajwe na Dr Anicet Nzabonimpa ku wa Kabiri tariki ya 18 Gicurasi 2021, mu kiganiro yagiranye n’abanyamakuru ku bijyanye n’itegeko ryo gukuramo inda cyari cyateguwe n’Umuryango Ihorere Munyarwanda.

Yavuze ko abagore benshi basaba serivisi yo gutabarwa kubera ko bagize ibibazo byo gukuramo inda mu ibanga ahanini bakaba babiterwa n’ipfunwe bityo bagatinya kubwira ababyeyi ibyababayeho.

Ati “Tubona ko buri mwaka hari abagore bagera ku bihumbi 17 biganje mu bakiri bato bigaragara ko babonye serivisi y’ubutabazi bagize ibibazo byo gukuramo inda mu buryo butizewe haba mu mavuriro yo mu byaro n’ayo mu mujyi.”

Umunyamabanga Nshingwabikorwa w’Urugaga rw’Imiryango nyarwanda itegamiye kuri Leta ishinzwe kurwanya SIDA no guteza imbere ubuzima ndetse no guharanira uburenganzira bwa muntu, Kabanyana Nooliet, we yasabye abana batwite bifuza gukuramo inda kugana ibitaro aho kwishora mu baganga ba bagendu.

Ati “Inama naha umwana utwite kuri uyu munsi ni uko igihe cyose yumva atekereje gukuramo inda atakata inzira ya bugufi anywa imiti itemewe ishobora kumugiraho ingaruka ahubwo niba koko yafashe uwo mwanzuro w’uko agomba kubikora yajya kwa muganga akagana ivuriro agahabwa serivisi nziza akarengera ubuzima bwe.”

Gukuramo inda mu buryo butemewe bigira ingaruka ku babikoze zirimo kubura ubuzima ku wagiye gusaba iyo serivisi n’umwana atwite kubera ibikoresho ababikora bakoresha, kugira ubusembwa cyangwa ibikomere mu myanya y’imyororokere n’izindi zirimo kwangirika nyababyeyi ntazongere kubyara.

Impuguke mu bijyanye n’ubuzima bw’imyororokere,Dr Anicet Nzabonimpa
Umunyamabanga Nshingwabikorwa w’Urugaga rw’Imiryango nyarwanda itegamiye kuri Leta ishinzwe kurwanya SIDA no guteza imbere ubuzima ndetse no guharanira uburenganzira bwa muntu, Kabanyana Nooliet

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .