00:00:00 IGIHE NETWORK KN KINYARWANDA EN ENGLISH FR FRANCAIS

Uwanduye COVID-19 utarakingirwa afite ibyago byo kuyirwara bikubye inshuro 5 iby’uwakingiwe byuzuye

Yanditswe na Dufitumukiza Salathiel
Kuya 31 Ukwakira 2021 saa 08:36
Yasuwe :
0 0

Ubushakashatsi bwamuritswe n’Ikigo gishinzwe kurwanya Indwara muri Amerika (CDC) bwagaragaje ko uwigeze kurwara COVID-19 aba afite ibyago byo kongera kuyirwara byikubye gatanu ugereranyije n’uwakingiwe byuzuye.

Ku wa 29 Ukwakira 2021 ni bwo hamuritswe iyo nyigo yakorewe ku bafite imyaka 18 kuzamura.

Hifashishijwe abajyanywe mu bitaro barwaye COVID-19 bakaba bari barayirwaye na none mu minsi iri hagati ya 90 na 179 mbere y’icyo gihe, n’ababijyanywemo bari barakingijwe inkingo zakozwe hifashishijwe ikoranabuhanga rya mRNA mu minsi nk’iyo ariko batararwaye icyo cyorezo.

Ibyavuye mu nyigo byerekanye ko kuba umuntu yarwara COVID-19 akayikira no kwikingiza byombi biha umubiri ubudahangarwa ariko uwayikize aba afite ibyago byo kongera kuyandura byikubye inshuro 5,49 ugereranyije no kuba uwakingiwe byuzuye yayandura.

Abahanga mu by’ubuvuzi bayikoze bayanzuye bagira bati “Abantu bose bujuje ibisabwa bagombye kwikingiza COVID-19 vuba bishoboka, haba n’abigeze kuyirwaraho mbere batarakingirwa.”

Icyorezo cya COVID-19 cyagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 247.352.866 bamaze kuyandura ku Isi yose, abagera kuri 5.013.900 yarabahitanye mu gihe 224.036.183 bamaze kuyikira.

Kugeza ubu, ku Isi hose hamaze gutangwa dose miliyari 7.04 mu gihe abamaze gukingirwa byuzuye bangana na miliyari 3.03, ni ukuvuga 38.9%.

Uwarwaye COVID-19 utarikingije afite ibyago byo kongera kuyirwara bikubye inshuro eshanu iby’uwakingiwe byuzuye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .