00:00:00 IGIHE NETWORK KN KINYARWANDA EN ENGLISH FR FRANCAIS

Umwana w’amezi atanu yishwe na Covid-19 mu Rwanda

Yanditswe na IGIHE
Kuya 17 Mata 2021 saa 12:07
Yasuwe :
0 0

Minisiteri y’Ubuzima yatangaje ko umwana w’umukobwa w’amezi atanu yishwe na Covid-19 kuri uyu wa Gatanu tariki 16 Mata 2021, aba umuntu wa mbere muto cyane upfuye yishwe n’icyo cyorezo mu Rwanda.

Umwana wapfuye ni uwo mu karere ka Gisagara. Byatumye umubare w’abamaze guhitanwa n’icyo cyorezo uba 322.

Umuntu waherukaga kwicwa na Covid-19 ari muto cyane ni umwana w’umukobwa w’imyaka 14 wapfuye tariki 12 Ukuboza 2020.

Abantu 68 nibo banduye kuri uyu wa Gatanu, bituma umubare w’abamaze kwandura uba 23 812. Hakize abantu 210 bituma abamaze gukira baba 22 015. Abakirwaye ni 1475 barimo bane barembye.

Kuri uyu wa Gatanu hakingiwe abantu bashya 275 bituma abamaze gukigirwa bose baba 349 702.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .