00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yishwe na COVID-19, abayanduye ni 208

Yanditswe na IGIHE
Kuya 29 Nzeri 2021 saa 12:13
Yasuwe :
0 0

Raporo ngarukamunsi ya Minisiteri y’Ubuzima mu Rwanda [Minisante] yagaragaje ko umuntu umwe yahitanywe na COVID-19 mu gihe abayanduye biyongereyeho 208.

Umurwayi wishwe n’iki cyorezo giterwa n’agakoko ka Coronavirus ni umugore w’imyaka 72 wo mu Karere ka Rusizi.

Itangazo rya Minisante ryo kuri uyu wa 28 Nzeri 2021, rigaragaza ko mu masaha 24 yashize hafashwe ibipimo 11.269, byabonetsemo abarwayi 208, ijanisha ringana na 1.8%.

Kuri uyu munsi, abarwayi babiri ni bo binjijwe mu bitaro, abarembye ni 11 mu gihe bane ari bo bakize nyuma yo gupimwa bagasangwa nta bwandu bagifite mu mibiri yabo.

Minisiteri y’Ubuzima ikomeje ibikorwa byo gukingira hibandwa cyane ku kubanza abafite ibyago byo kwandura Covid-19 kurusha abandi.

Kugeza ubu abantu 1.652.475 bamaze gukingirwa byuzuye aho bahawe dose zombi [ubariyemo 5.495 bayibonye uyu munsi], mu gihe abahawe urukingo rwa mbere ari 2.878 byatumye umubare wabo ugera kuri 2.107.695.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .