00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yishwe na Coronavirus, abayanduye biyongereyeho 137

Yanditswe na IGIHE
Kuya 27 Mata 2021 saa 10:38
Yasuwe :
0 0

Minisiteri y’ubuzima mu Rwanda yatangaje ko umuntu umwe yahitanywe na Coronavirus kuri uyu wa Kabiri, tariki ya 27 Mata 2021 mu gihe abantu 137 bayanduye.

Uwapfuye ni umugabo w’imyaka 69 wo mu Karere ka Huye. Byatumye umubare w’abamaze gupfa bazize Coronavirus guhera muri Werurwe 2020 uba 331.

Abantu bashya 137 banduye batumye umubare w’abamaze kwandura bose uba 24.814. Mu masaha 24 yashize, abarwayi 84 bakize bituma abamaze gukira bose baba 23.089. Abakirwaye ni 1394 barimo bane barembye. Mu Rwanda hamaze gufatwa ibipimo 1.299.466 birimo 5.022 byafashwe uyu munsi.

Imibare ya Minisiteri y’Ubuzima yerekana ko umubare w’abamaze gukingirwa Covid-19 mu Rwanda ari 349.702.

Abanyarwanda basabwa gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.

Uwiyumvamo ibimenyetso by’iki cyorezo birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .