00:00:00 IGIHE NETWORK KN KINYARWANDA EN ENGLISH FR FRANCAIS

Umuntu umwe yahitanywe na COVID-19 mu Rwanda, 84 barayikira

Yanditswe na Dufitumukiza Salathiel
Kuya 27 Gicurasi 2021 saa 11:10
Yasuwe :
0 0

Minisiteri y’Ubuzima yatangaje ko kuri uyu wa 27 Gicurasi 2021 umugore w’imyaka 60 w’i Kigali yahitanywe na COVID-19, bituma umubare w’abo imaze kuvutsa ubuzima mu Rwanda bagera kuri 351.

Mu masaha 24 habonetse abanduye bashya 26 barimo umunani b’i Kigali, batandatu b’i Huye,bane b’i Karongi,batatu b’i Ngororero, babiri b’i Nyamagabe, umwe w’i Nyaruguru, umwe w’i Rulindo n’umwe w’i Musanze.

Nta murwayi wabonetse mu Burasizuba.

Byatumye umubare w’abamaze kugaragaraho ubwandu kuva ku wa 14 Werurwe 2020 ugera ku 26.843, mu bipimo 1.426.053 bimaze gufatwa ubariyemo na 6.898 byafashwe mu masaha 24 ashize.

Magingo aya abamaze gukira icyorezo ni 25.453 habariwemo na 84 bakize uyu munsi, naho abakirwaye ni 1.039 barimo batatu barembye. Abagera ku 350.400 ni bo bakingiwe.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza,guhana intera,gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze. Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .