Umuntu umwe yahitanywe na Covid-19, barindwi bararembye

Yanditswe na IGIHE
Kuya 27 Werurwe 2021 saa 11:23
Yasuwe :
0 0

Minisiteri y’Ubuzima yatangaje ko umuntu umwe yahitanywe na Coronavirus kuri uyu wa Gatandatu tariki ya 27 Werurwe mu gihe barindwi aribo barembye cyane kugeza ubu.

Uwapfuye ni umugabo w’imyaka 46 w’i Kigali byahise bituma umubare w’abamaze guhitanwa n’iki cyorezo mu gihugu hose uba 301 bingana na 1,4% by’abamaze kwandura iki cyorezo bose.

Usibye uwapfuye, abanduye bo biyongereyeho 61 bagera ku 21.370 mu gihe abakize bo ari 19.741 ubariyemo na 84 bakize kuri uyu wa Gatandatu.

Nubwo serivisi nyinshi zikomeje gufungurwa, abanyarwanda barasabwa kutirara ngo bumve ko icyorezo cyarangiye. Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi, ndetse by’umwihariko uwiyumvamo ibimenyetso by’iki cyorezo birimo inkorora, guhumeka nabi, gucika intege n’ibindi, agahamagara umurongo utishyurwa wa 114 kugira ngo ahabwe ubufasha n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .