Umugore w’imyaka 24 yahitanywe na Covid-19, mu gihe abantu 135 bayanduye

Yanditswe na IGIHE
Kuya 1 Mata 2021 saa 11:07
Yasuwe :
0 0

Umugore w’imyaka 24 ukomoka mu karere ka Nyamagabe yabaye uwa 308 umaze guhitanwa na Covid-19 kuva yagera mu Rwanda muri Werurwe 2020.

Imibare yatangajwe na Minisiteri y’Ubuzima kuri uyu wa Kane, igaragaza ko abantu 135 bashya aribo basanzwemo icyo cyorezo, bituma abamaze kucyandura baba 21 918. Abakize kuri uyu wa Kane ni 126 bituma abamaze gukira baba 20 308

Abakirwaye ni 1302 barimo batanu barembye, mu gihe inkingo zimaze gutangwa ari 348 926.

Uturere two mu Majyepfo turacyari mu twugarijwe cyane kuko nko muri Muhanga habonetse abarwayi 15, Gisagara haboneka 12, Nyaruguru 12 na Huye haboneka 11.

Iyi ntara ni imwe mu zibasiwe cyane muri iyi minsi, bikaba byatumye Minisiteri y’Ubuzima yoherezayo itsinda ryihariye ry’abaganga bafite inshingano zo guhangana n’ubwo bwiyongere bukabije.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .