00:00:00 IGIHE NETWORK KN KINYARWANDA EN ENGLISH FR FRANCAIS

Umugore w’imyaka 20 yishwe na Coronavirus muri Kigali

Yanditswe na IGIHE
Kuya 18 Gicurasi 2021 saa 11:14
Yasuwe :
0 0

Minisiteri y’ubuzima mu Rwanda yatangaje ko umuntu umwe ari we wahitanywe na Coronavirus kuri uyu wa Kabiri, tariki ya 18 Gicurasi 2021 mu gihe abantu 129 bayanduye mu masaha 24 yashize.

Uwapfuye ni umugore w’imyaka 20 wo mu Mujyi wa Kigali. Byatumye umubare w’abamaze gupfa bazize Coronavirus guhera muri Werurwe 2020 uba 346.

Abantu bashya 129 banduye batumye umubare w’abamaze kwandura bose uba 26.344 mu bipimo 1.380.803 bimaze gufatwa. Mu masaha 24 yashize, abarwayi 44 bakize bituma abamaze gukira bose baba 24.808. Abakirwaye ni 1190 barimo umwe urembye.

Imibare ya Minisiteri y’Ubuzima yerekana ko umubare w’abamaze gukingirwa Covid-19 mu Rwanda ari 350.400.

Abanyarwanda basabwa gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.

Inzego z’ubuzima zitanga inama ko uwiyumvamo ibimenyetso bya Coronavirus birimo inkorora, guhumeka nabi, gucika intege n’ibindi, agomba guhamagara umurongo utishyurwa wa 114 kugira ngo ahabwe ubufasha n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .