00:00:00 IGIHE NETWORK KN KINYARWANDA EN ENGLISH FR FRANCAIS

Umubare w’abamaze kwandura Coronavirus mu Rwanda warenze ibihumbi 35

Yanditswe na Dufitumukiza Salathiel
Kuya 25 Kamena 2021 saa 11:32
Yasuwe :
0 0

Minisiteri y’Ubuzima yatangaje ko mu masaha 24 ashize habonetse abarwayi ba COVID-19 bashya 875 bituma umubare w’abamaze kwandura iki cyorezo mu Rwanda ugera ku 35.018.

Muri raporo ngarukamunsi yo kuri uyu wa Gatanu, Umujyi wa Kigali ni wo wabonetsemo abarwayi benshi (343), naho Bugesera, Kirehe, Nyagatare na Rwamagana nta murwayi wahabonetse.

Itangazo ryashyizwe ahagaragara rivuga ko abamaze gukira icyo cyorezo ari 26.977 ubariyemo 112 bakize uyu munsi, naho abakirwaye ni 7.637.

Hagaragajwe kandi ko abamaze guhitanwa n’icyorezo bageze kuri 404 kubera babiri biyongereho, mu gihe abarembye babaye 26.

Abaturarwanda 391.625 bamaze guhabwa urukingo rwa Coronavirus, ibipimo bimaze gufatwa mu mezi 15 imaze igaragaye mu Rwanda byo ni 1.594.197 habariwemo na 10.585 byafashwe mu masaha 24 ashize.

Minisiteri y’Ubuzima iributsa Abaturarwanda gukomeza kubahiriza amabwiriza y’inzego z’ubuzima haba abakingiwe n’abatarakingiwe, kandi bakirinda guhurira ahantu hafunganye ari benshi kuko byagaragaye ko biha icyuho icyorezo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .