U Rwanda rutegereje izindi nkingo miliyoni 2,6 zizatangwa binyuze muri AU

Yanditswe na IGIHE
Kuya 9 Gashyantare 2021 saa 09:30
Yasuwe :
0 0

Minisitiri w’Ubuzima, Dr Ngamije Daniel, yatangaje ko u Rwanda rutegereje kubona izindi nkingo miliyoni 2.6 zizatangwa binyuze mu itsinda ryashyizweho n’Umuryango wa Afurika Yunze Ubumwe (AU) rishinzwe gushakisha inkingo, African Vaccine Acquisition Task Team (AVATT).

Binyuze muri gahunda y’Umuryango mpuzamahanga wita ku buzima (OMS), ibihugu byishyize hamwe ngo haboneke inkingo kuri bose muri gahunda yiswe Covax.

Biteganyijwe ko ukwezi kwa Gashyantare gushira u Rwanda rubonye inkingo zinyuze muri iyo gahunda zigera kuri miliyoni, icyakora ruracyakeneye izindi kugira ngo rubashe nibura gukingira 60 % by’abarutuye uyu mwaka.

Mu nama yateguwe na Banki y’Isi ivuga ku bukungu bw’u Rwanda yabaye kuri uyu wa Mbere, Minisitiri Dr Ngamije yavuze ko u Rwanda rwashakishije n’ubundi buryo kugira ngo haboneke izindi nkingo ari naho yatangarije ko hari izindi zizaboneka binyuze muri AVATT.

Izi nkingo zizatangwa muri AVATT zizishyurwa ku bufasha bwa Afreximbank izatanga amafaranga ya mbere (avance) agera kuri miliyari ebyiri z’amadolari, kugira ngo inganda zikora inkingo zemere kuzitanga ku bihugu bigize AU.

Binyuze muri iyo gahunda, hari inkingo miliyoni 600 zamaze gutumizwa mu nganda zirimo Pfizer, Johnson & Johnson na AstraZeneca. Inkingo miliyoni 50 za mbere byitezwe ko zizaba zabonetse bitarenze Mata uyu mwaka.

Mu nkingo u Rwanda ruzahabwa muri iyo gahunda harimo 500 000 zizaturuka muri Pfizer, miliyoni imwe zizaturuka muri Johnson & Johnson na miliyoni imwe zizaturuka muri AstraZeneca.

Byitezwe ko izi nkingo nizigera mu Rwanda zizafasha mu gukingira abantu miliyoni 1.8.

U Rwanda ni kimwe mu bihugu bike bya Afurika byamaze kwitegura neza uburyo bwo gutanga inkingo za Covid-19. Ruherutse kugura frigo eshanu zizifashishwa mu kubika no gukonjesha inkingo za Coronavirus ndetse byatangajwe ko zifite ubushobozi bwo kubika inkingo zose zikenewe

Mu matariki yo hagati ya Gashyantare u Rwanda ruzatangira gukingira abaturage barwo Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .