00:00:00 IGIHE NETWORK KN KINYARWANDA EN ENGLISH FR FRANCAIS

U Burayi bwafunguriye imiryango abashyitsi baturutse mu bihugu byafashe urukingo rwa Covid-19 birimo u Rwanda

Yanditswe na Bukuru JC
Kuya 20 Gicurasi 2021 saa 04:26
Yasuwe :
0 0

Umuryango w’Ubumwe bw’Ibihugu by’i Burayi wafashe icyemezo cyo koroshya uburyo bwo kwinjira muri ibi bihugu ku bagenzi baturutse mu bihugu byahaye abaturage babyo inkingo za Covid-19.

Abahagarariye ibihugu 27 bigize uyu muryango nibo bafashe iki cyemezo mu nama yabereye i Bruxelles ku wa Gatatu tariki 19 Gicurasi 2021.

Umuryango w’Ubumwe bw’Ibihugu by’u Burayi wafunze imipaka muri Werurwe 2020 kubera ingendo zitari ngombwa kandi kuva icyo gihe washyizeho urutonde rw’ibihugu abaturage babyo batashoboraga kuwinjirai Burayi.

Kuri ubu urutonde rw’ibihugu byatanze urukingo bikaba byafunguriwe imiryango rurimo ibigera kuri birindwi birimo Australie, Israel, Nouvelle-Zélande, u Rwanda, Singapore, Koreya y’Epfo na Thailand ariko rugomba kwiyongera bidatinze.

Muri iyi nama byemejwe ko ibyagendeweho mu gukora uru rutonde byoroshywa. Mbere babariraga ku bantu 25 banduye, ubu bazamuye bageza kuri 75 ku bihumbi 100 mu minsi 14 ya nyuma nk’uko tubikesha Euronews.

Umuvugizi wa Komisiyo y’Ibihugu by’i Burayi, Christian Wigand, yavuze ko kugira ngo hirindwe ko Covid-19 yihinduranya yinjira i Burayi, abagize iyi nama bemeje ko ibihugu binyamuryango bifata ingamba zitajenjetse kandi bigakorera hamwe.

Amakuru aturuka mu kigo cy’u Burayi gishinzwe gukumira no kurwanya indwara avuga ko ibihugu by’Umuryango w’Ubumwe bw’Ibihugu by’u Burayi byinjije inkingo miliyoni 199,6 za Covid-19 zahawe abaturage babyo.

U Bufaransa bwemereye ko guhera kuri uyu wa Gatatu inzu zicuruza ikawa na restaurant kwakira abakiliya. Ni nako bigenda mu nzu za sinema, amakinamico n’inzu ndangamurage.

Abagenzi baturutse mu bihugu byatanze urukingo rwa Covid-19 bagiye kwemererwa kwinjira muri EU

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .