00:00:00 IGIHE NETWORK KN KINYARWANDA EN ENGLISH FR FRANCAIS

U Bugereki bwahaye u Rwanda inkunga y’inkingo ibihumbi 300 za COVID-19

Yanditswe na Dufitumukiza Salathiel
Kuya 5 Ugushyingo 2021 saa 04:46
Yasuwe :
0 0

U Rwanda rwakiriye doze 332.800 z’inkingo za Covid-19 zo mu bwoko bwa AstraZeneca, rwahawe n’u Bugereki biturutse ku mubano ibihugu byombi bifitanye. Zagejejwe i Kigali kuri uyu wa Gatanu tariki 5 Ugushyingo 2021.

Umunyamabamga Mukuru ushinzwe ubuvuzi bw’ibanze akaba n’ushinzwe ibijyanye n’inkingo mu Bugereki, Marios Themistocleous, yatangaje ko iyo nkunga ishingiye ku mibanire y’ibihugu byombi.

Ati "Iki ni igihamya cy’ubushuti n’umubano ufite ingufu biri hagati y’u Rwanda n’u Bugereki."

Themistocleous yakomeje avuga ko u Bugereki bushaka kongerera ingufu uwo mubano ukarushaho gukomera mu bihe biri imbere.

Izi nkingo zije nyuma y’izindi ibihumbi 200 za AstraZeneca iki gihugu cyaherukaga gushyikiriza u Rwanda ku wa 3 Nzeri 2021, binyuze mu mikoranire mu bya gisirikare.

Icyo gihe Umunyamabanga wa Leta muri Minisiteri y’Ubuzima, Dr Mpunga Tharcisse, yashimangiye ko izo nkingo zatanzwe kubera umubano w’ibihugu byombi uhagaze neza.
Ati “Ni wa mubano mwiza u Rwanda rufitanye n’ibindi bihugu. U Bugereki bwafashe iya mbere mu gufasha ibindi bihugu gukingira abantu benshi.”

Ikigo cy’Igihugu Gishinzwe Ubuzima (RBC), cyatangaje ko izo nkingo zakiriwe uyu munsi zihita zikwirakwizwa hirya no hino mu turere kugira ngo ibikorwa byo gukingira naho byihutishwe.

Abarenga miliyoni enye bamaze guhabwa doze ya mbere mu Rwanda hose, naho abarenga miliyoni ebyiri bahawe doze ebyiri.

U Bugereki bwahaye u Rwanda inkunga y’inkingo ibihumbi 300 za COVID-19
Minisitiri w'Ububanyi n'Amahanga w'u Rwanda, Dr Vincent Biruta (iburyo), hamwe na mugenzi we w'u Bugereki, Nikos Dendias (ibumoso), ubwo izo nkingo zakirwaga
Ibihugu byombi byari bihagarariwe na ba Minisitiri b'Ububanyi n'Amahanga ndeste n'ubuyobozi mu nzego z'Igisirikare

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .