00:00:00 IGIHE NETWORK KN KINYARWANDA EN ENGLISH FR FRANCAIS

U Budage: Birakekwa ko abantu 8000 batewe serumu aho kuba urukingo rwa Covid-19

Yanditswe na IGIHE
Kuya 13 Kanama 2021 saa 12:22
Yasuwe :
0 0

Polisi yo mu Budage yatangiye iperereza ku muforomokazi ukekwaho kuba yarateye abantu serumu aho kubatera urukingo nyarwo rwa Covid-19, igikorwa cyabereye mu Majyaruguru y’u Budage.

Ukekwaho gukora iryo kosa ni umuforomokazi w’imyaka 40 wari amaze igihe atangaza amakuru anenga ingamba za leta zo kurwanya iki cyorezo.

Mu kwezi kwa kane, uwo muforomokazi yemeye ko yateye serumu abantu batandatu ariko mu gihe polisi yakoraga iperereza byagaragaye ko hari abandi benshi batewe serumu aho guterwa urukingo rwa Pfizer bari bizeye ko bahawe.

Kuri ubu abenshi mu bakekwa ko batewe serumu ni abarengeje imyaka 70 bari mu cyiciro cy’abibasiwe na Covid-19.

Polisi yatangaje ko hari impamvu za politiki zateye uyu muforomo gukora ibyo ariko abamwunganira mu mategeko barabihakana nk’uko inkuru ya BBC ibivuga.

Nibura abantu 8,557 basabwe gusubira kwikingiza bundi bushya kandi ngo abagera ku 3,600 bamaze kwemera ko bazasubirayo.

Mu Budage hagaragaye abantu benshi bigaragambije bamagara gahunda ya leta yo gutanga inkingo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .