00:00:00 IGIHE NETWORK KN KINYARWANDA EN ENGLISH FR FRANCAIS

OMS yagaragaje ko Coronavirus nshya izwi nka ’Mu’ ishobora kunanira inkingo

Yanditswe na Umwali Zhuri
Kuya 1 Nzeri 2021 saa 09:55
Yasuwe :
0 0

Ishami ry’Umuryango w’Abibumbye ryagaragaje ko ubwoko bushya bwa Coronavirus buzwi nka ‘Mu’ bushobora kunanira inkingo, yemeza ko abashakashatsi bakiri kuyigaho bihagije.

Iyi Coronavirus yo mu bwoko bwa ‘Mu’ yagaragaye bwa mbere muri Colombia muri Mutarama 2021.

Iyi virusi mu buryo bwa siyansi izwi nka ‘B.1.621’, OMS yamaze kugaragaza ko igomba kwitabwaho by’umwihariko ngo kuko ifite n’ubushobozi bwo kuba yananira inkingo bitewe n’uburyo yihinduranya.

Amakuru dukesha France 24 avuga ko iyi virusi iri kwigwaho byimbitse kugira ngo abashakashatsi bayigireho amakuru ahagije.

Kugeza ubu nta yindi Coronavirus yigeze igaragaza ko ifite ubushobozi bwo kunaniza inkingo.

Kuva COVID-19 yagaragara bwa mbere ku Isi mu mpera za 2019, imaze guhitana abarenga miliyoni enye mu gihe abandi basaga miliyoni 218 bayanduye. Abenshi muri aba bahitanwa n’iyo mu bwoko bwa Delta ifite ubushobozi bwo kwandura vuba ndetse ikazahaza uwayanduye.

Hatangiye gukorwa ubushakashatsi bwihariye kuri iyi Coronavirus yo mu bwoko bwa ‘Mu’

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .