00:00:00 IGIHE NETWORK KN KINYARWANDA EN ENGLISH FR FRANCAIS

Menya ibihugu 11 bimaze kubonekamo Delta Plus, Virus ya rurangiza ya Covid-19

Yanditswe na Zigiranyirazo Bajecteur
Kuya 26 Kamena 2021 saa 07:53
Yasuwe :
0 0

Ubwoko bushya bw’agakoko ka Coronavirus buzwi nka Delta nyuma yo kugaragara bwa mbere mu Buhinde muri Gashyantare bukagenda bwihinduranya kugera ku bwiswe Delta Plus, bukomeje gukwirakwira mu bihugu bitandukanye aho bumaze kuboneka muri 11 ku buryo ubwandu buri kwiyongera ku buryo budasanzwe.

Ubu bwoko bushya bwakangaranyije Isi ubundi bwahawe izina rya B.1.617.2.1 cyangwa AY.1 ariko bumenyekana ku rya Delta Plus.

Inzobere mu buzima zikomeje gucukumbura ngo zimenye niba ubu bwoko bwa Delta Plus bwaba bufite umwihariko mu kwandura vuba kurusha ubwabonetse mbere bwa Alpha n’ubwa Delta nubwo ngo hakiri kare kumenya nyir’izina ingaruka zose zishobora guterwa n’iyi virus nshya.

Delta Plus imaze kugaragarara mu bihugu 11 aho abayanduye benshi bamaze kuboneka muri Leta Zunze Ubumwe za Amerika.

U Bwongereza ni cyo gihugu cya kabiri gifite abanduye benshi. Aba mbere bagaragaweho n’iyi virus mu Bwongereza bivugwa ko bari baherutse gutemberera mu bihugu bya Nepal na Turikiya.

U Buhinde buza ku mwanya wa gatatu mu kugira umubare munini w’abamaze kwandura Delta Plus aho bagera kuri 40 nk’uko leta y’icyo gihugu yabitangaje ku wa Gatatu w’iki cyumweru.

Ibindi bihugu umunani bimaze kugaragaramo ubwo bwoko bushya bw’agakoko ka Coronavirus buzwi nka Delta Plus ni Canada, u Buyapani, Nepal, Pologne, Portugal, u Burusiya, u Busuwisi na Turikiya.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .