Hagaragajwe ko umubyeyi ashobora guhereza umwana atwite abasirikare barinda Covid-19

Yanditswe na Umwali Zhuri
Kuya 1 Gashyantare 2021 saa 09:02
Yasuwe :
0 0

Inzobere zo mu bitaro by’abana bya Philadelphia zagaragaje ko umubyeyi utwite ashobora guhereza umwana atwite abasirikare barinda Covid-19.

Mu bushakashatsi bwamuritswe kuwa Gatanu ushize, Dr. Dustin Flannery, inzobere mu buvuzi bw’abana afatanyije na bagenzi be, bakoreye ubushakashatsi ku bagore basaga 1400 n’impinja zabo.

Baje gusanga mu bagore 83 bari baranduye Covid-19 cyangwa abigeze kuyandura, 72 imibiri yabo yarakoze abasirikare b’ubwirinzi bakagera no mu mubiri w’umwana batwite.

Ubushakashatsi kandi bwerekanye ko gukingira umugore utwite, bishobora kurinda n’umwana atwite, nubwo hagikenewe ubundi bushakashatsi bwimbitse.

Ubu bushakashatsi bwasohotse mu kinyamakuru Journal of the American Medical Association’s JAMA Pediatrics, bwerekanye ko mu bagore barwaye Coronavirus batwite, abana babo batigeze bandura icyo cyorezo. Ikindi ni uko 60 % by’abagore bagaragaje ubudahangarwa bw’imibiri yabo mu guhashya Coronavirus, batigeze bagaragaza ibimenyetso nubwo bari bayirwaye.

Nubwo hari byinshi ubwo bushakashatsi bwagaragaje, haracyibazwa ibibazo bitandukanye birimo kumenya igihe cyo kuba umwana yakingirwa Covid-19 mu gihe amaze kuvuka, niba ubwirinzi yavanye mu nda ya nyina bushobora gukomeza kumurwanaho mu gihe amaze kuvuka n’ibindi.

Umubyeyi utwite hagaragajwe ko umubiri we woherereza uw'umwana atwite abasirikare barinda Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .