00:00:00 IGIHE NETWORK KN KINYARWANDA EN ENGLISH FR FRANCAIS

Covid-19: Bwa mbere mu Rwanda hakingiwe abarenga ibihumbi 90 mu munsi umwe

Yanditswe na IGIHE
Kuya 26 Kanama 2021 saa 11:59
Yasuwe :
0 0

Abaturarwanda 95.541 bahawe doze ya mbere y’urukingo rwa Covid-19 mu munsi umwe, iba inshuro ya mbere hakingiwe abantu benshi kuva ibikorwa byo gutanga inkingo byatangira.

Ni ku munsi wa gatatu wo gukingira Abanyarwanda bose kuva ku myaka 18 y’amavuko, ibikorwa byatangiriye mu Mujyi wa Kigali ku wa 23 Kanama 2021, bikaba biteganyijwe ko bizakomereza hirya no hino mu gihugu.

Raporo ngarukamunsi ya Minisiteri y’Ubuzima mu Rwanda [Minisante], igaragaza uko icyorezo cya Covid-19 gihagaze mu Rwanda yerekana ko abantu bamaze guhabwa doze ya mbere y’urukingo bamaze kugera kuri 1.338.006.

Ni mu gihe kandi abamaze guhabwa doze ya kabiri y’urukingo rwa Covid-19, ni ukuvuga abamaze gukingirwa byuzuye mu Rwanda bamaze kugera kuri 537.136.

Minisante kandi igaragaza ko mu masaha 24 ashize, kuri uyu wa 26 Kanama, abantu umunani barimo abagabo bane n’abagore bane aribo bishwe n’icyorezo cya Covid-19. Kuva Covid-19, yagera mu Rwanda imaze guhitana abantu 1056.

Ni mu gihe abacyanduye bashya ari 570 mu bipimo 13.261 byafashwe hirya no hino mu gihugu. Kuri ubu igipimo cy’ubwandu bwa Covid-19 kiri kuri 3.8%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .